La 8-a tago de la 12-a monato lau la china luna kalendaro estas la china Laba-festo. En tiu tago oni preparas bongustan laba-kachon kiel festan manghajhon.

    Laudire Laba-kacho aperis en la epoko de Shakjamunio, kreinto de budaismo. Por budaigho li kiel asketo vivis 6 jarojn sed ankorau ne povis forlasi diversajn logajhojn en la chiutaga vivo. Foje li, laca kaj malsata, renkontis iun pashtistinon, kiu donis laktkachon al li kaj li reakiris forton post la mangho.

    Poste li banis sin en rivero kaj forlavis la koton de la korpo. Sub arbo li silente meditis 7 tagojn kaj 7 noktojn kaj budaighis. Poste budaismo eniris en Chinion kaj budaistoj opiniis, ke la tago de budaigho de Shakjamunio estas la 8-a tago de la 12-a monato. En la sekvantaj dinastioj de Chinio estis kutimo kuiri Laba-kachon por peti patronon de budho.

    Oni faras la kachon el dekkelke da materialoj, kiel Yi-rizo (Coix lacryma-jobi), glueca rizo, longano, jujubo kaj arakido, kiuj havas bonan guston kaj richan nutron. Yi-rizo estas "regho de graminacoj"; glueca rizo povas nutri ne nur stomakon, sed ankau hauton; longano richas je proteino kaj mikroelementoj; jujubo kaj arakido kun vitaminoj longigas la homan vivon.

    Laba-kacho ne nur forpelas la froston, sed ankau plezurigas la vivon.