Unua-pagho >> Kuirarto >> Manghajhoj

 

 

 


Buter-teo

    Laudire buter-teo estis farita de princino Wencheng de Tang-dinastio ( 618-907). Shi kunportis teon al Tibeto kaj el lakto, butero kaj teo faris buter-teon por donaci al korteganoj. Ankau la ujo por buter-teo estas kurioza artajho, farita el metalo, ekz. arghenta, kupra kaj aluminia kruchoj, kies busho kaj anso havas neordinaran stilon, kaj sur kies ventro estas naciaj desegnoj. La tebovlo estas farita el ligno au kaolino, kies surfaco estas inkrustita per arghento kaj kupro. La butero estas rafinita el bovina au shafa lakto. La tibetano trinkas 20 bovlojn chiutage. Kiam religiuloj kultas en templo, ili donacas buter-teon, kaj kaldrono ofte estas uzata por prepari buter-teon por vizitantoj. Oni ankau prezentas buter-teon al sia familiano antau lia vojagho por beni lin.