La
filma industrio de Chinio en 2002 karakterizighis per merkatigho.
Estante portanto de kulturo, la china filmo farighis nemalhavebla
parto de la amuzado de la publiko.
La
chinoj trovis, ke ne nur la filmoj farighis pli kaj pli interesaj,
sed ankau la kinejoj farighis pli belaj. En kinejo nun oni volas
ne sole fikcian rakonton sur la ekrano en 90 minutoj, sed ankau
ghuon kaj sperton de moda kulturo. Kinejo estas kultura loko, kaj
la komforteco por la rigardantoj, la akustiko kaj ech la dekorado
de kinejo montras disvolvighon de la filma industrio sub la akcelo
de la merkata ekonomio. La rigardantoj venas ne sole al kinejo kaj
samtempe ankau partoprenas en intershangho de populara kulturo,
kaj filmoj liveras al ili richan amuzon por ilia strecha kaj monotona
moderna vivo.
En
la proceso de merkatigho, amuzigho kaj negocigho, kvankam la china
filmo vizaghas al pli kaj pli intensa konkurenco en la merkato,
tamen senchese altighas la intereso kaj fervoro de la rigardantoj
al la china filmo pro ghia originala fascino kaj allogo. La historia
pozicio de la china filmo estis pli kaj pli konfirmita en la reala
merkata rekompenco. Ghenerala shato al la filmo "Heroo"
reghisorita de Zhang Yimou atestis la gigantan alvokan forton de
la china filmo en la merkato.
Antau
prezento de la filmo "Heroo" al la publiko, la kopirajtoj
por VCD kaj DVD jam estis venditaj je 17.8 milionoj da juanoj, kaj
krome la rilata merkato de poshtmarkoj, afishoj kaj specialaj filmoj
montris gigantan spacon de latenta merkato rilate filmon. Disvolvigho
de televida filmo en la nuna tempo posedas specialan merkatan spacon
en la historia strukturo de la china filmo, kaj sole la filma kanalo
de la Centra Televizio de Chinio chiujare produktas 100 filmojn.
Plurisma
disvolvigho estas la plej grava karakterizajho de la ghenerala aspekto
de la china filma arto. La filmaj laborantoj aktive kreas filmajn
artajhojn de diversaj tipoj, temoj, stiloj kaj formoj en la vasta
spaco de la reala vivo.
Kiel
grava reformado de filmo, la filma produktado ghisfunde shanghis
la planizitan produktan modelon de shtataj filmaj studioj. Eniro
de grandkvanta socia kapitalo en la filman kampon kaj permeso de
produktado de sola filmo liveris multajn eblecojn por la filma kreado,
kaj precipe la neshtata kaj kolektiva filma produktado jam farighis
forto kun latenta merkato en la kampo de filma kreado de Chinio.
Preni merkatan bezonon kiel orientighon, intereson de la publiko
kiel centron kaj ekonomian profiton de filmoj kiel principon de
kreado, tio jam farighis rimedo por ekzisto de filmo. La shtato
ne malavare prenos sur sin plu la ekonomian respondecon por la filmo,
malgrau ke ghi estas produktita de shtata filma studio. La vera
alveno de merkata epoko de filmo ebligas al filmo havi plurajn ekzistajn
statojn.
|