Komence
de 2002 la filmkompanio de Guangdong-provinco de Chinio rekomendis
chefe 6 chinajn filmojn, kaj plejparto de la filmoj estas virgaj
verkoj de la tiel nomataj chinaj "sepageneraciaj reghisoroj".
En 2002,
la unua jaro post la aligho de Chinio al la Monda Komerca Organizo,
chinaj filmistoj havis multajn esperojn. Antau longe la jaro estis
antaudirita de chinaj filmistoj kiel "la unua jaro de la amuza
filmo de Chinio". Prospero de chinaj filmoj en printempo kaj
debuto de junaj reghisoroj kaj filmistoj vidigis esperon. Chiuj
spuroj estis konvinkaj, ke printempo venas al la china filmo. Sed
sub la duobla premo de la sistemo kaj merkato, la china filmo malfacile
pasigis dekkelke da jaroj kaj restis ankorau debila. Chu en financo
kaj kvalito, chu en merkata manovrado, chinaj filmoj ne povos esti
rivaloj de tiuj de Usono kaj ech de Hongkong en certa tempo de la
estonteco. La filmoj de Chinio ankorau frontas multajn malfacilojn
kaj oni sentas ankorau froston en printempo de filmo.
Antau
dudekkelke da jaroj Chinio komencis reformadon kaj dank' al tio
sane kreskis la kvina generacio de reghisoroj kun Chen Kaige kaj
Zhang Yimou kiel reprezentantoj. Pere de sia eksterordinara akravideco
kaj entuziasma zorgemo al la socio, ili kreis la modernan parolmanieron
kaj estetikajn karakterizajhojn de la china filmo kaj gajnis respekton
de la monda filma rondo. Poste la sesageneraciaj reghisoroj prenis
sur sin la rolon de socia pioniro kaj penis strebi al proprastila
kaj personeca esprimmaniero. Sed ili ne farighis la chefa fluo de
la china filmo nek savis la chinan filmon el depresio.
Chirkau
la komenco de 2002 oni trovis en nomlisto de reghisoroj nekonatajn
nomojn, ekzemple Meng Jinghui, Lu Chuan, Li Chunbo, Lou Jian kaj
Zhang Yibai. "Serchado de revolvero" reghisorita de Lu
Chuan kaj ludita de Jiang Wen kaj Ning Jing estis la plej atentata
filmo chi-jare. Meng Jinghui estas reprezentanta persono de la China
Eksperimenta Teatro. La de li reghisorita filmo "Flugi kiel
kokoplumo" estis multe esperata. Li Chunbo, kiu famighis tra
la tuta Chinio pro la kanto "Knabino Xiao Fang" antau
10 jaroj, forlasis la multprofitan kantadon kaj turnighis al reghisorado.
Nelonge post la Printempa Festo li prezentis sian virgan verkon
"Ne ploru, knabino". Ankau Zhang Yibai kaj Lou Jian respektive
prezentis siajn virgajn verkojn "Metroo al printempo"
kaj "Pachjo".Apero
de tiuj filmoj vidigis al la rigardantoj ion diferencan. Unuvorte,
ili pli konscience prizorgis la ekziston kaj senton de la "modernaj
homgrupoj", iliaj parolmanieroj kaj estetikaj konceptoj estas
pli modaj kaj pli proksimaj al la moderna vivo.
Aplaudinda
estas ankau tio, ke dank' al ili la china filmo estas reakiranta
sian vitalan energion. Antau tio la china filmo depresiighis jaro
post jaro, kaj pro tio multaj filmistoj forlasis la filman aferon.
Nemalmultaj reghisoroj, aktoroj kaj teknikistoj, famighintaj pere
de filmado, sin turnis al televizio. Nova kolektigho de talentuloj
alportis al la filma afero ne nur konfidon, sed ankau nutrajhon
kaj freshan sangon por progreso de la afero. La novaj filmoj prezentitaj
post la Printempa Festo shanghis la opiniojn de la rigardantoj pri
la chinaj filmoj, kio iagrade konsolis la chinajn filmistojn.
Sed
kompare kun la filmoj importitaj el Usono, Hongkong kaj Taiwan,
la filmoj de la cheftero de Chinio, precipe tiuj de la nova generacio
da filmistoj, shajnis debila bebo kaj ne povis formi sufichan forton
por merkata konkurenco. La administra sistemo por la filma afero
praktikata en la cheftero de Chinio dum longa periodo ebligas neantauvideblajn
dangherojn por investo al la filma afero. Kaj longtempa depresio
de la filma merkato multe hezitigis la investantojn. Multaj filmistoj
sinofere okupighis pri la filma afero sole pro la korinklino al
la filma afero. Dum longa tempo la filma afero estis rigardata kiel
malprofita profesio. En tia medio la china filmo ne povis farighi
racia, orda kaj vigla industrio.
"Ne
ploru, knabino" reghisorita de Li Chunbo prunteprenis de amikoj
pli ol 3 milionojn da juanoj (8.3 juanoj egalas 1 usonan dolaron).
Li ne havis sufichan monon por engaghi famajn aktorojn kaj metis
la esperon sur sian famon pro la kanto "Knabino Xiao Fang".
Sen mono oni ne povas propagandi nek fari ampleksan merkatan manovradon,
tial la perspektivo de la filmo estas maltrankviliga. Filmoj de
junaj reghisoroj ofte vizaghas tian situacion.
Eble
jam venas printempo por la china filmo. Sed frosto ankorau embuskas
en printempo. Por respondi la defion de la aligho de Chinio al la
Monda Komerca Organizo, la china filmo bezonas ne nur "fari
freshan sangon", sed ankau "kuraci malsanon". Oni
devas radikale forigi la malhelpojn de la administra sistemo de
la filma afero, purigi kaj kompletigi la filman merkaton, por ke
la china filmo pli frue pashu sur industrian vojon.
|