En
la fino de la 70-aj jaroj de la 20-a jarcento finighis la "Kultura
Revolucio". En la 20 jaroj post tio aperis en Chinio tri generacioj
da filmaj reghisoroj kun karakterizajhoj. Pro la malsameco de epokoj,
estas diferencaj la temoj kaj manieroj de iliaj filmoj.
La
kvinageneraciaj reghisoroj levighintaj en la 80-aj jaroj de la pasinta
jarcento gajnis respekton de la filma rondo de la mondo per siaj
originalaj vidpunktoj pri la historio kaj epoko kaj unika estetika
koncepto. El la kvina generacio aperis nombro da eminentaj reghisoroj
reprezentantaj la chefan fluon de la nuna china filmo, kiel ekzemple
Zhang Yimou, Chen Kaige, Tian Zhuangzhuang k.a.
En
la 90-aj jaroj de la lasta jarcento parto de la chinoj richighis,
la ekonomia reformado disvolvighis pli profunde, en la reala vivo
aperis granda diferenco de la vivniveloj de la homoj kaj aperis
polarizo. La sesageneraciaj reghisoroj aperintaj en tiu tempo pli
multe turnis sian rigardon al la realo. Kvankam iliaj filmoj ofte
gajnis premiojn en la internaciaj filmaj festivaloj, tamen ankorau
ne formighis la memstara karaktero. Strebante al esprimmaniero por
personeco, la sesageneraciaj reghisoroj montrighis iom sufokitaj.
Inter ili Wang Xiaoshuai, Jia Zhangke kaj Zhang Yuan estis sukcesintoj.
La novgeneraciaj
reghisoroj
En
la lastaj jaroj de la pasinta jarcento kaj la unuaj jaroj de la
kuranta jarcento Chinio eltenis la atakon de la mondsfera ekonomia
depresio kaj trahakis por si vojon de merkata ekonomio kun siaj
propraj karakterizajhoj. La homoj iom post iom shanghis sian koncepton
kaj multaj homoj komprenis, ke bona vivo venas de pena laborado,
sed ne de "fera bovlo" (la chinoj nomas oficon en shtata
entrepreno "fera bovlo", kaj "bovlo" signifas
vivrimedon). Oni farighis multe pli optimismaj pri la vivo ol en
la unua periodo de la reformado. Multaj homoj, kiuj falis en timon
pro la reformado, devis rekte vizaghi al la realo.
Ankau
filmo iom post iom adaptighis al la legho de la merkata ekonomio.
En tiu periodo filmlaborantoj eliris el la ebura turo kaj kontemplis,
kion bezonas la plejparto de la chinoj en la vivo.
La
respondo estas tre simpla. Plejparto de la chinoj estas multe pli
okupitaj ol en la pasinta jarcento. En la vivo ili bezonas malstrechan
distradon kaj ankau humanecan prizorgon. Ili bezonas trovi en la
materia vivo sian spiritan apogilon kaj la signifon de la vivo,
kaj volas scii pere de filmo, kiel la aliaj homoj vivas gaje portempe
forgesante chagrenon.
Meng
Jinghui, Lu Chuan, Li Chunbo, Lou Jian kaj Zhang Yibai farighis
brilantaj punktoj de la china filmo. Iliaj filmoj rakontas ordinaran
aferon, sed la farado de iliaj filmoj montris iliajn diversajn stilojn.
Per facila, humura au ech absurda maniero ili esprimas sian strebadon
de la vivmaniero idealisma, naturisma kaj serchanta la signifon
de la vivo. Ili estis nomataj "la sepa generacio". Plejparto
de ili antaue ech neniam kontaktis filmkreadon.
Novaj konceptoj
kaj novaj manieroj
Novaj
reghisoroj chiam alportas multajn novajn konceptojn kaj manierojn.
Precipe Meng Jinghui, antaue reghisoro de dramo, kaj Li Chunbo,
antaue kantisto, brile sukcesis en sia kampo. Sin turnante al filmo,
ili certe enportis multajn kuriozajn ideojn al la china filmo.
Antau
la filmado de "Flugi kiel kokoplumo", Meng Jinghui ech
ne havis sperton pri filmado de televida filmo. Sed en la filmado
li havis multajn novajn kaj kuriozajn pensojn kaj metodojn, ekzemple
trejnado kaj provludo de aktoroj estas maloftaj en aliaj filmgrupo,
kaj fakte tio estas grefto de provluda metodo en teatro. Cetere,
la projektoj de intrigo kaj figuroj estis parte neitaj de la grupo,
sed iuj aliaj strangaj intencoj estis efektivigitaj. Filmisto diris,
ke nur Meng Jinghui havas la talenton elpensi tiom multe da brilajhoj,
kaj la brileco devenas de lia nescio.
Li
Chunbo, reghisoro de la filmo "Ne ploru, knabino", ludis
rolon en du dramoj kaj tre ekscitighis por filmo. Li diris: "Artoj
estas interrilatantaj, kaj diferencas nur iliaj esprimmanieroj,
kaj esprimmanieroj de filmo estas pli richaj. Farado de filmo kaj
verkado de kanto estas samaj por mi, kaj filmo havas ritmon kaj
melodion de muziko, ghi estas pli komplika ol kantoverkado, sed
la esprimado estas pli plezura."
Lu
Chuan kaj Zhang Yibai unuafoje reghisoris filmadon. Lu estis diplomito
de filma instituto kaj Zhang - de drama instituto. Ambau havas siajn
proprajn komprenon kaj estetikan strebon por filma koncepto. Lu
Chuan akcentis intensan konflikton inter la roloj kaj tiun en ilia
koro, kaj lirikan esprimon de ili. Zhang Yibai faris multajn MTV
kaj televidajn filmojn de idoloj, tial lia filmo "Metroo al
Printempo" pli akcentas belecon de la scenoj kaj la kvalita
senco de la roloj.
La
nova forto de filmaj reghisoroj debutis en tute nova senskrupula
fizionomio pere de tute novaj konceptoj kaj tute novaj manieroj.
Kvankam oni ne povas antaudiri ilian perspektivon, tamen multe esperas
de ilia estonteco.
Serchi manierojn
kaj merkaton
Por
sia unuafoja reghisorado tiuj reghisoroj bezonis trovi esprimmanierojn,
alivorte, artan stilon, kaj bezonis bone komuniki al la rigardantoj
tion, kion ili volas esprimi. Cetere ili bezonis serchi luktan metodon
en la filma merkato, char akiri merkaton estas antaukondicho de
ekzisto de filma reghisoro.
En
la filmoj "Flugi kiel kokoplumo" de Meng Jinghui, "Retrovo
de pistolo" de Lu Chuan kaj "Ne ploru, knabino" de
Li Chunbo oni povas trovi, ke ili tre akcentas subjektivan esprimon
kaj psikan priskribon. Sed Meng Jinghui iris absurdan vojon, kaj
tre klara estas la idealisma gusto. Lu Chuan tre akcentas kreon
de atmosfero kaj simbola gusto, kaj la serchado de pistolo fakte
sugestas la proceson de serchado de la signifo de la vivo. Li Chunbo
ne akcentas intrigon de la filmo, sed atentas priskribon de la stato
de ekzistado de homoj, ke oni rimarkas en ghi naturisman ajhon.
Vortoj
de Meng Jinghui reprezentas la opiniojn de tiuj reghisoroj pri ilia
arta strebado. Li diris: "Mi shatas distingighi de la aliaj,
ke mia filmo estu malsama al chiuj aliaj." Krome la roloj en
la tri filmoj estas tre interesaj.
Poeto
en "Flugi kiel kokoplumo" estas malforta intelektulo en
urbo, la heroo en "Retrovo de pistolo" estas policano
serchanta spiritan apogilon, dum knabino en "Ne ploru, knabino"
estas mezklasa virino en urbo, kiu povas akomodighi al nenio. Kvankam
la tri filmoj havas la saman observan sintenon al la stato de ekzistado
de la homoj, tamen chu la tipoj de la homoj, chu la angulo de komparo
kun la socio, chu la filma maniero, chio montras komplete malsamajn
stilojn.
Ili
reghisoris unuafoje, kaj la skalo ne estis granda, sed la premo
de merkato estis ne malgranda, char la sukceso au malsukceso influis
la kredeblecon por investo al la reghisoro. Vizaghe al merkato,
preskau chiuj reghisoroj strebas por havi kiel eble plej multe da
rigardantoj, kaj plejparto de la novgeneraciaj reghisoroj havas
la memfidon al la merkata orientigho en la estonteco.
|