Antau
10 jaroj Chen Kaige, reprezentanto de la kvinageneraciaj filmaj reghisoroj
de Chinio, gajnis premion en Cannes per sia filmo "Lasta renkontigho
de diktatoro kaj lia amatino". Longe post tio li reghisoris la
filmon "Kune kun vi". En la filma festivalo de Toronto la
filmo ghuis grandan shaton.
En
2002 Chen estis rekomendita por 7 kategorioj de la premio Ora Koko
jughata de chinaj filmaj specialistoj, nome por tiuj de plej bona
filmo, plej bona reghisoro, plej bona chefrolulo, plej bona akcesora
rolulo, plej bona sonregistado, plej bona komponajho kaj plej bona
rearangho.
Oktobre
de 2002 la filmo estis projekciata tra Chinio.
Kion rakontas
la filmo
Liu
Xiaochun lernis violonludon de infaneco kaj en la agho de 13 jaroj
gajnis altan premion enviindan por aliaj ludantoj. La sentema kaj
silentema knabo prenas violonludon kiel sian plej shatatan esprimmamieron.
Lia patro portis lin al Pekino por progresigi lin. Chi tiu lernis
che du instruistoj kaj fine akiris la shancon partopreni en internacia
konkurso de violonludo.
La
filmo prezentas tute simplan rakonton pri lernado de violonludo
de unu el la 2 milionoj da infanoj lernantaj violonludon. Ghi prenas
klasikan muzikon kiel la chefan elementon de la rakonto, elportas
kortushan rakonton de familio kaj emocias la rigardantojn en du
horoj.
Aktiva temo
Multaj
el la rigardintoj opiniis, ke Chen Kaige intencas diri multon al
la homoj post la kortusha rakonto.
Fakte
la filmo priskribas senton inter plenkreskuloj kaj infanoj. "Chu
la homoj strebas al sukceso au felicho?" Chen Kaige humure
kaj aktive esprimis la temon, kiun multaj pensuloj, filozofoj kaj
artistoj profunde diskutis.
Franca
raportisto tiel komentariis la finon de la filmo: "Ghi ne estas
Holivuda fino, sed frapa kaj humura fino." Per la filmo Chen
Kaige kredigis al la rigardantoj, ke la patro kaj filo en la filmo
havas la rajton kaj motivon esprimi sian veran senton kiel oni vidis
en la filmo.
Superi sin
mem
La
antauaj filmoj de Chen Kaige, ekzemple "Flava tero", "Lasta
renkontigho de diktatoro kun la amatino" kaj "Sikario
Jing Ke", estas historiaj, rezonaj kaj raciaj. Sed "Kune
kun vi" estas "percepta filmo". De racieco al percepto,
Chen spertis transiron de si mem.
Moda
sed soleca virino, ordinara patro en kamparo, talenta fraulo instruisto,
multe respektata maljuna profesoro... multaj tiaj homoj trovighas
chirkau ni. Sed tiuj ordinaraj homoj en ordinara vivo multe kortushis
la rigardantojn. Tion oni atribuas al la sagha aplikado de filma
maniero. Chen Kaige vere agis ne kiel antaue.
Multe
shanghighis la temo de la filmoj de la kvinageneraciaj reghisoroj
inkluzive de Zhang Yimou kaj Tian Zhuangzhuang. La kialo de tiu
profunda shanghigho kushas en tio, ke ili vizaghas al tute malsama
epoko, kaj ankau la merkato, bileta enspezo kaj rigardantoj estas
multe diferencaj de tiuj de la 80-aj jaroj de la pasinta jarcento.
La
filmo rakontas ne sole amon en familio. Kvankam la temo estas malsama
al la antaua, tamen ghia sento estas sama al tiu en la unuaj filmoj
de Chen, kiuj donas tute novan impreson al la rigardantoj. Chen
Kaige chiam persistas en sia stilo ankorau tre akra.
Multaj
homoj opinias, ke la filmo estas verko markanta shanghighon de lia
stilo. Li opiniis, ke reghisoro devas esti kapabla en verkoj de
diversaj temoj, ke eble lia sekvanta filmo temas pri historio. Fulma
emociigho en konkreta vivo povas instigi tiun senteman reghisoron
esprimi ghin per filma maniero. Li ne rifuzas scenaron, kiu emocias
lin.
En
la filmo estas multaj intrigoj emociantaj rigardantojn. Tio rilatas
kun lia edzino Chen Hong. Shi estas bona virino, bona edzino kaj
bona patrino. Amo kaj familio helpas kreadon de artisto, kaj Chen
Kaige ne estas escepto.
Merkato
kaj sukceso
La
Toronta Filmfestivalo ne estas konkursa nek jughdona. Sed ghi estas
konkurenco de filma merkato kaj chefa indiko de la filma merkato
de Norda Ameriko. Tiu festivalo spegulas la reakcion de merkato
kaj rigardantoj. "Kune kun vi" estis multe laudata en
la festivalo.
Nun
la plej granda obstaklo por la bileta enspezo estas tio, ke tro
malmultaj estas malfermantoj de merkato kaj tro multaj la homoj
intencantaj fari sin artistoj. La nunaj filmfarantoj plejparte estis
diplomitoj de filma instituto, kiuj facile rigardis sin artistoj,
sed ne roluloj en merkata ekonomio. Ju pli da malfermantoj de merkato,
des pli granda la ebleco de sukceso.
La
plej grava afero por la china filmo ne estas gajni premion, sed
malfermi merkaton. Plurismo aperos nur se la merkato estos multe
pligrandigita. Alie la china filmo ne povos eniri en normalan cirkuladon.
Bileta enspezo de la
filmo en la komenco de oktobro estis gratulinda. Tio pensigos la
filmajn reghisorojn, kiuj ekskluzive penas fari sin artistoj.
Oni
raportis, ke en la venonta jaro Chen Kaige partoprenos en konkurso
de Oscar-premio. Sed tion decidos ne li, sed koncernaj departementoj
de la shtato. Se iu departemento de la registaro rekomendas lin,
li volas partopreni. Li esperas, ke ankau li povos gajni Oscar-premion
de reghisoro.
|