En la fino de 1999 la China Centra Televizio prezentis la unuan chinan idolan teatron "Konduku la amon ghis la fino", kaj la tema melodio en la komenco kaj fino kaj chiuj aliaj komponajhoj en la filmo farighis popkantoj. La intrigo pri juneco kaj aktorado de sunlumaj geknaboj briligis la alispecajn kantojn kun tauga melankolio de la komponinto Xiao Ke, kiu aghis iom pli ol 30 jarojn. Kaj oni diris, ke la televida filmo el dekoj da partoj shajnis granda muzika televida filmo speciale adaptita al la belaj kantoj.

    Nemultaj el la popmuzikistoj komponis por filmo kiel Xiao Ke, kaj ankorau pli malmultaj el tiuj povis sukcesi kiel li. Li estis pli kaj pli atentata de la muzikamantoj kaj la jhurnalismo pro siaj komponajhoj por la tre shatataj televidaj filmoj "Songho pro la hejmloko", "Konduku la amon ghis la fino", "Sinjoro Erma", "Arbo en chambro" kaj "Sun Yatsen". Li faris sin elstara per sia originala stilo kaj tute nova maniero de komponado.

Bona muziko nepre devas esti kortusha

    Tushi la koron de homoj, tio estas la trajto de la verkoj de Xiao Ke. Xiao Ke atentas observi kaj percepti la facile kortushantajn bagatelojn en la vivo kaj turni ilin en inspiron por sia kreado. Li chiam observas la principon en muzik-produkto, ke muziko devas esti bela.

    En la komponado por la kvin filmoj li montris sian talenton. Nova provo estis farita al la muzika stilo lau la malsama bezono de la intrigo de la teatro. Kunlaboro kun la shtata filharmonia orkestro kaj klasikmuzika arangho en la filmo "Sinjoro Erma" trafe spegulis la tristan etoson priskribitan en la fama verko de Lao She. La muziko en la filmo "Arbo en chambro" portas freshan nacian guston, kaj chiu muziknoto saltas per la intereso de ordinarulo. "Konduku la amon ghis la fino" estis rigardata de Xiao Ke kiel "vekigho post lacigho". Komplete forvaporighis la enuo dum pluraj jaroj en verkado kaj la subite aperinta inspiro torentis kiel superakvo kaj flue donis al la amora filmo amon eksplikeblan per muziko. "Estu gaja" estis novjara filmo kaj ghia gaja kaj humura muzika stilo montris la multflankecon de Xiao Ke en muzika kreado.

    Oni povas diri, ke tiuj filmoj fundamentis lian pozicion en la muzika kreado de filmo kaj televizio.

Shato al klasika muziko kaj rokenrolo

    Xiao Ke shatas klasikan muzikon, jhazon kaj popmuzikon. Sed li auskultas ankau alispecajn muzikajhojn lau bezono. Li opiniis, ke muziko ludas du rolojn por li: la unua estas lerno kaj la dua - amuzo. Por la lerno muzikanto bezonas kontakti diversastilajn verkoj, kaj en auskultado li devas analizi la strukturon, orkestradon, tembran kunaranghon kaj dispoziciadon de partoj por cherpi ion utilan. Se paroli pri amuzo, oni povas akiri ghuon de beleco en auskultado de muziko, tute kvietigi kaj faciligi sian korstaton, kaj Xiao Ke auskultas klasikan muzikon dum ripozo.

    Xiao Ke shatas ankau rokenrolon. Iam li fondis rokenrolan orkestron kaj prezentis en renkontigho kaj drinkejoj. Sed tio estis afero chirkau 1990. En 1992-1995 li starigis jhaz-trupon. Tiuj aktivadoj estis tre utilaj por liaj komponado, orkestrado kaj verkado de kantotekstoj.

Por esti bona muzikanto

    Xiao Ke opinias, ke popmuzika produktanto bezonas ofte akrigi siajn orelojn, char muziko rilatas sonon, kaj sen akra audo oni ne parolu pri muziko. Due oni devas posedi teoriajn sciojn, kaj nur tiamaniere oni povas mastri muzikon per diversaj manieroj en praktika manipulado. Oni devas ne nur auskulti kaj praktiki pli multe, sed ankau ghustatempe orkestri sian komponajhon kaj alies belajn kantojn kaj poste trovi siajn mankojn. Lernante orkestradon, Xiao Ke reorkestris 1500 kantojn, akumulis multe da sperto kaj metis bazon por esti profesia muzik-produktanto.

    Xiao Ke estas tre humila homo, kaj chiuj scias, ke li estas muzikanto facile trovanta superecon de kantistoj. Multaj kunlaborantoj de Xiao Ke multe lernis dum kunlaborado kun li. Xie Yuxin estas nova kantistino, kiun li trovis en sia kreado. Direktate de li, shi bone kantis en televida filmo kaj daure kunlaboris kun li en sia kantokolekto. Li kulturis la knabinon, kiu apenau sciis kanti en la pasinteco, en kantistinon kun aparta stilo.