Kio
estas torda skulpturo? Eble multaj ne scias. En la Unua Foiro de
Popolaj Metiartajhoj de Fujian-provinco Yang Fuxiu konigis siajn
artajhojn al la rigardantoj, kiuj elkore ghojis antau liaj verkoj.
Jam en sia infaneco li shatis pentradon. Hazarde li forte interesighis
pri torda skulptado. Li diris: "Foje mi vidis 18 skulptitajn
arhatojn faritajn en Han-dinastio. La figuroj estis forte torditaj
kaj aspektas timige, sed post pririgardo mi trovis, ke ili havas
richan enhavon. En tio mi estis edifita kaj kreis serion da tordaj
skulptajhoj: 500 arhatoj. En la 500 arhatoj la homaj kapoj restas
ne shanghitaj, dum la korpoj estas torditaj abstrakte. Oni nomas
mian skulpturon spirala homfigura skulpturo de Yang." "Imagu,
ke knabino en longa jupo staras che maro kaj vento faras shian jupon
spirala. Chu tio ne estas bela?"
Yang ekamis tordan skulpturon. Por fari tian skulptajhon li tre
shatas lignon, similan al kudranio (Cudrania tricuspidata),
kreskanta nur sur montoregiono de norda Fujian-provinco, char tia
ligno malfacile fendighas, ne korodighas nek deformighas, kaj plie
ghi havas striojn de naturaj spiraloj kaj taugas al la torda skulptado.
Antau kreado li devis kolekti fotojn de la skulptotaj homoj kaj
detale pririgardi la mienon de malsamaj flankoj kaj lau la homaj
karakteroj faras skulptadon per romantika, troiga, deforma kaj ornama
metodoj, tial post pli ol unu monato li povas krei novan tordan
skulptajhon. Li intencas fari serion da tordaj skulptajhoj por la
29-aj Olimpikoj en Pekino, konsistantan el sportaj steloj, prezidantoj
de la Internacia Olimpika Komitato en chiuj periodoj k.a.
|