Brokato
estas tradicia popola metiartajho de Chinio. Antau 2500 jaroj en
Chinio jam aperis metiejoj de brokato kaj iom pli poste, dank' al
uzado kaj senchesa plibonigado de feraj instrumentoj, popularighis
la metio de brokatofarado.
En
Qin- kaj Han-dinastioj (221 a.K.-220 p.K.) la teknologio de brokato
jam havis tre altan nivelon. Krom silka, oni faris brokaton ankau
lanan kaj filigranan. Krom geometriaj desegnoj, oni enteksis ankau
figurojn de drako, birdoj kaj tre diversaj animaloj.
En
Tang-dinastio (618-907) pompe prosperis la ekonomio kaj kulturo
de la feudisma socio de Chinio. Tiam aperis nova speco de brokato
- vefta brokato. Desegno de tia brokato estis formita per multkoloraj
veftoj. Krome la mashinoj estis multe plibonigitaj kaj oni povis
fari pli larghan brokaton. Sur la tiamaj brokatoj ofte aperis kvarpecaj
desegnoj, diversaj floroj kaj bestoj. Char tiam viglis kultura intershangho
inter Chinio kaj la Okcidento, brokatoj de Tang-dinastio ekhavis
ekzotan guston. Brokato de Tang-dinastio grave influis la kulturon
de la sudorient-aziaj landoj kaj ankau tiun de la mondo. La Okcidento
nomis tiaman brokaton Tang-brokato.
Brokato
de Song-dinastio (960-1279) konservis la stilon de lukseco kaj pompeco
de brokato de Tang-dinastio kaj aldonis al si novan stilon de delikateco
kaj mildeco.
En
Yuan-dinastio (1206-1368) oni enteksis en brokaton oran filigranon,
kio faris la brokaton brila kaj dika.
En
Ming-dinastio (1368-1644) brokato havis novan prosperon. Ghi ofte
surhavis desegnojn de peonio, pigo sur umearbaj branchoj k.a., esprimantajn
la popolan deziron pri paca vivo. Tiutempe ghi estis uzata ne nur
por vestofarado kaj dekorado de chambroj, sed ankau por bindado
de libroj kaj garnado de pentrajhoj. Tia brokato estis malpli dika,
kaj estis nomata Ming-brokato.
En
Qing-dinastio (1644-1911) brokato surhavis chefe antikvastilajn
desegnojn, kaj brokatoj de Nankino kaj Sichuan ghuis renomon. Brokato
de Nankino estis dika kaj peza, kaj la desegnoj similas al multkoloraj
nuboj sur la chielo. Brokato de Suzhou estis maldika kaj malpeza.
Chiuj tiuj estis superaj brokatoj de Qing-dinastio.
En
la regionoj de nacimalplimultoj oni produktis brokaton el silko,
lano, lino kaj kotono, kun kotono kiel la chefa materialo. Brokatoj
de nacimalplimultoj havas tre diversajn gustojn kaj naciajn specialajhojn
pro la malsameco de la vivkutimo kaj estetiko. Kompare famaj estas
brokatoj de nacimalplimultoj Ghuang, Taj, Mjau kaj Dong.
Brokato
de Ghuang-nacio estas farata en Guangxi kaj Guizhou. Ghi estas dika,
ghiaj koloroj freshaj kaj desegnoj de papilio, floro, pavo kaj leono
preferataj.
Brokato
de Taj-nacio estas farata en Yunnan. Kotono estas la chfa materialo.
La koloroj estas okulfrapaj, kaj rugha, nigra, blanka, flava, verda
kaj purpura koloroj estas preferataj. Elefanto, leono, pavo, floro,
domo kaj homo estas ofte desegnitaj.
Brokato
de Mjau-nacio estas farita el kotono, silko kaj lano. La desegnoj
ofte prezentas floron, herbon, fishon, insekton
kaj diversajn animalojn. La koloroj estas helfreshaj, kaj rugha,
persika, verda, orangha kaj purpura koloroj estas shatataj.
Brokato
de Dong-nacio estas farita el fadenoj de nigra, blanka, bruna kaj
flava koloroj. Geometriaj desegnoj estas preferataj. Ankau ondlinioj
estas ofte uzataj por dividi florojn kaj papiliojn.
|