Kajto, speco de chinaj metiartajhoj, estas chiam shatata de la china popolo. Ghi, tauga por apreco, amuzo konkurso kaj sporto, havas intimajn rilatojn kun popola moro, sezono, tekniko kaj pentrado.

    Chinio estas nakighloko de kajto. Historia materialo diras, ke la kajto naskighis antau 2000 jaroj. Tiam oni faris kajton el ligno en formo de aglo, nomatan ligna aglo. Poste aperis kajto el papero. En la Kvin Dinastioj(907-960 p.K.) oni fiksis bambuan fajfilon sur kajto. Kiam flugis la kajto, la fajfilo sonis kontrau la vento. En la antikvexo belaj kajto funkciis kiel ludilo chefe por korteganoj kaj nobeloj. Nur en la lastaj jaroj de Qing-dinastio (1644-1911) ili farighis popolaj metiartajhoj. Multaj metiartistoj sin okupis je kajtofarado kaj aperis diversaj skoloj. La kajto ekhavis siajn apartajn trejtojn. Miniatura kajto estas unu el la specoj. Ghi estas malgranda kaj delikate arita. Oni povas flugigi ghin por amuzo kaj ankau kolektas ghin por apreco.

    S-ro Leng Shixiang estas fama faranto de miniaturaj kajtoj. Li havas multajn skatolojn kun miniaturaj kajtoj ene. Ghenerale dirite, la kajtoj de malpli ol 15X15 cm estas rigardataj kiel la miniaturaj. Sed tiuj faritaj de Leng estas multe malpli grandaj ol la normo. La plej malgranda el liaj kajtoj, kun vizagho de homfiguro en pekina opero, estas nur 0.7X0.7 cm, egale al kvarono de la homa dika fingro, kaj malpli epza ol unu sezamsemo. Ech formiko povas movi ghin.

    "Kvankam la miniatura kajto estas tre malgranda, tamen ghi posedas chiujn karakterizajhojn de normala kajto," diris s-ro Leng. Samkiel aliaj kajto, ankau tiuj de Leng estas faritaj per kunligado, surgluado kaj pentrado. Malgrau sia malgrandeco, ili chiuj taugas por flugi.

    S-ro Leng chiam kun strechita atento faras miniaturajn kajtojn, Antau chio li kunigas la skeleton. Li hakas la bambuon en striojn kaj tranchas la striojn en maldikajn fadenojn. Poste li kurbigas la maldikajn fadenojn en formo de kajta skeleto. Lau tradiciaj manieroj s-ro Leng neniam uzas gluajhon sed fikse kunigas la skeleton per silkfadeno.

    Glui paperon al la skeleto bezonas grandan atenton. Multfoja provo montris al s-ro Leng, ke la malpeza kotona papero estas bona materialo. Li tranchas la paperon en la Bezonatan formon kaj poste gluas ghin al la skeleto. Per gluajho speciale farita de li mem, li faras la gluadon atenteme kaj rapide, char la malpeza papereto estos facile forblovita de forta spiro.

    Pentri sur la papereto estas la tria pasho. La naturo de farbo kaj uzado de akvo estas shlosila faktoro por la pentrado. Oni devas pentri per konvena forto. Tro forta pentrado detruos la paperon, dum per tro milda agado oni ne sukcesos kolorigi la paperon. Pentri sur la malgranda paperpeco desegnojn bezonas lertecon.

    Fininte faradon de la miniatura kajto, oni provas flugigi ghin. Kiam oni flugigas grandan kajton, kiu flugas alten kaj foren, li sentas fortan tiron de la kajto. Flugigi miniaturan kajton estas alia afero. Kiam la kajto flugas sur la chielo, vi ne vidas ghin, sed sentas ghin tra la fadeno en via mano.

    Dank' al penado de chinaj kajtofarantoj, kia s-ro Leng Shixiang, kiuj kunfandas modernajn ideon kaj teknikon kun antikva china metiarto, chinaj miniaturaj kajtoj kun apartaj karakterizajhoj estas alte taksataj de la tuta mondo kaj multfoje premiitaj en internacia kajtokonkurso. Multaj el ili estas konsevataj en muzeoj kaj galerioj.