Chevalkapa
bangho estas originala kordmuzikilo de la mongola nacio de Chinio.
Ghi estas tre shatata pro sia bela sono, kiu respondas al la etoso
de la senlima herbejo de la Interna Mongolio.
Estas
rakonto pri la deveno de chevalkapa bangho: Iam sur herbejo estis
kantema pashtisto Suhe. Li havis blankan chevalon, kies hauto estas
glata kiel sateno kaj kies henado estas longe vibranta. Foje en
chevalkonkurso ghi la unua atingis la cellokon kaj estis perforte
proprigita de princo. Iun tagon la princo rajdis sur la chevalo,
kaj ghi dejhetis lin kaj forkuris. Li pafis ghin per venena sago.
Malfacile ghi revenis al Suhe kaj falis morta che la pordo de lia
jurto. Li dronis en granda malghojo kaj sidis plurajn tagojn apud
la chevalo. En lacigho li endormighis kaj havis songhon, en kiu
li vidis la blankan chevalon senchese henantan. Li vekighis de surprizo
kaj rigardis chirkauen, sed li ne vidis la chevalon, nur la henado
resonadis che liaj oreloj. Li volis solidigi la sonon por memorigi
la chevalon. Li faris banghon el la restajhoj de la chevalo: Li
faris el ghia tibio banghan kolon, el ghia kranio sonkeston, el
ghia ledo tegajhon ambauflanke de la sonkesto, el ghiaj vostoharoj
archon kaj el la lazostango archostangon. Krome li skulptis el ligno
chevalan kapon kaj surmetis ghin sur la kapon de la bangho. Tiel
naskighis la unua chevalkapa bangho.
Fakte
longe antau tio la mongoloj jam havis kordmuzikilon, kiu en la mongola
lingvo nomighas "Ur". En la komenco de la l3-a jarcento
la mongoloj jam multe amuzighis per "Erhu" (dukorda muzikilo),
la rudimento de chevalkapa bangho.
Poste
oni aliformis alian kordmuzikilon "Chor" kun draka kapo
en chevalkapan muzikilon kun longa kolo, trapeza sonkesto kaj estighis
la verasenca chevalkapa bangho. La fama china ludisto de chevalkapa
bangho Qi Baoligao skribis: "Shangho de draka kapo al chevala
kapo okazis chirkau la Oktobra Revolucio de Rusio... kaj tio plene
montris la penson kaj senton de ni mongola popolo. De tiam en- kaj
eksterlande oni nomas tiun muzikilon chevalkapa bangho."
Ofte chevalkapa
bangho estas farita de la ludanto mem. Trovighas muzikiloj granda
kaj malgranda. La granda taugas por ludo subchiele kaj la malgranda
--- en chambro. La sonkesto estas farita el malmola ligno, kovrita
ambauflanke per chevala, bova au shafa ledo kun kolora desegnajho
de nacia gusto. La delikata chevala kapo estas skulptita sur la
sama ligno de la muzikila kapo, au poste algluita. La kolo estas
plata en unu flanko kaj duonronda en la alia. Sur la kesto estas
fretplato. La archo konsistas el du faskoj da chevalaj haroj, chiu
el 40 kaj 60 haroj. La archostango estas farita el rotango au ligno.
Kiam oni
ludas la muzikilon, oni sidas kun la muzikilo inter la genuoj kaj
ghia kolo klinita iom maldekstren. La sonoj de la kordoj estas a-e,
a-d au d-a. La diapazono de la bangho havas unu skalon, kaj la tembro
estas milda kaj obtuzeta. Post aliformado chevalkapa bangho havas
pli belan eksteran formon, kaj la sono kaj diapazono estas larghigitaj.
Preskau
chiuj mongolaj viroj povas ludi chevalkapan banghon. Kiam la subiranta
suno oras la herbejon kaj el la jurtoj levighas fumkolonoj de kuirado,
la mongolaj viroj kantas ludante chevalkapan banghon... neniu povas
resti apatia al tia etoso.
|