Kreto brulas

    Preparo:Solvu iom da bora acido en alkoholo kaj trempu kreton en la solvajho.

    Prezentado: Ludanto bruligas la trempitan kreton. Jen ghi tuj ekbrulas kaj eligas belan flamon.

Kamforaj globetoj dancas

     Materialoj:Unu senkolora kaj travidebla botelo kun granda aperturo au laboratoria glaso, natria bikarbonato kaj kristala pulvoro de citra acido (po unu kulero) kaj kelkaj kamforaj globetoj.

    Prezentado: Ludanto vershas akvon en la botelon kun la du supre menciitaj kemiajhoj kaj poste enmetas la kamforajn globetojn. Jen la globetoj ekdancas.

    Principo: La pulvoro de natria bikarbonato kaj citra acido sin neutrigas, kio kauzas turnighadon de la akvo. Plie, la specifa pezo de kamforaj globetoj estas iom pli granda ol tiu de akvo, tial ili dancas kun turnighado de la akvo.

Monero estas for

    Prezentado: Ludanto tenas moneron en la dekstra mano, montras ghin al spektantoj, pugnigas la manon kaj denove etendas la fingrojn. Jen oni trovas, ke la monero jam malaperas.

    Metodo: Volvi travideblan glupaperon chirkau la pinton de la meza fingro (talki la paperon che la hauto de la supra parto de la fingro kaj tiel forigi ghian gluecon por garantii sukceson de prezentado). Kiam la ludanto pugnigas la manon, li algluas la moneron al la papero che la mezfingra ungo. Kaj kiam li disvolvas la manplaton, la monero estas che la dorsa flanko de la fingro kaj la spektantoj ne povas ghin vidi.