Che tablo en parko du maljunuloj ludis shakon. Unu el ili metis shakpecon decidan por la venko kaj sur lia vizagho aperis kontenta rideto. Gravedulino pasumis sur avenuo kaj feliche ridis pro subita movo de la feto. Infanoj kuris sur Tian'anmen-placo, rigardante la shvebantan kajton kaj elkore ridis...

Rido ofte vidighas sur la vizagho de chinoj. Rido ornamas la felichan vivon de la popolo.

La mallonga filmo pri invito pri invito de la Olimpikoj per muntajhoj montras la simplajn kaj ridantajn mienojn de la chinoj. Ekonomikistoj faris teorian resumon: De ekpraktikado de reformado kaj pordmalfermo ghis la fino de la 80-aj jaroj de la pasinta jarcento la china popolo solvis la problemon de manghajhoj kaj vestajhoj kaj en la sekvantaj jaroj ghi komencis sian penadon por bonhavigho.

La statistikoj montras, ke en la l3 jaroj la ghenerala enlanda produktovaloro de Chinio kreskis chiujare meze je 9.3% kaj la deponita mono de la chinaj urbanoj kaj kamparanoj kreskis 14-oble, dum la rezervitaj fremdlandaj valutoj kreskis 43-oble. La popola enketado montras, ke en la nova jarcento plimultighas homoj kontentaj pri shanghigho de la socio kaj ekonomia vivo.

"Por ke mi povu bone vivi en universitato, miaj gepatroj shparis dum pluraj jaroj grenajn kuponojn, kiuj tamen eksvalidighis, kiam mi finis la lernajan studon, kaj farighis konservindajhoj," tiel diris Li Feng, kiu eniris en la Pekinan Universitaton en 1990. Antaue manghado por la chinoj estis problemo urghe solvenda, sed hodiau elspezo por manghajhoj konsistigas pli kaj pli malgrandan parton de konsumado. Kaj nun saniga manghado estas multe atentata de la popolo.

Chinio iam estis lando de bicikloj, kaj havigi al si privatan automobilon estis preskau nerealigebla revo por multaj chinoj, sed nun pli kaj pli multe da chinoj havas sian propran automobilon. En 2000 chiu 200-a urba familio havas unu privatan automobilon. Iuj per pruntita mono achetis automobilon, kvankam ili eklaboris nur antau kelkaj jaroj.

Multaj ekhavis poshtelefonon, ofte vizitas interreton kaj korpo-ekzercejon kaj ekskursas al antauurbo semajnofine. Dank' al plibonigho de la kuracado kaj bonkvalitigho de la chiutaga vivo, la meznombra vivodauro de la chinoj jam atingis 71.8 jarojn.

Ghuste tiuj shanghighoj de chiutaga vivo de la china popolo spegulas la impetan shanghighon de la socia historio.

Plibonigho de la materia vivo sentigas pli da ghojo. La malstrechita spirito, disvolvita personeco kaj malfermita pensado serenigis la chinojn.

Por la unua konkurso de chinaj gejunuloj pri Kara-Oke estis 5 milionoj da alighintoj. Tiu populara amuzado furoris tra la tuta lando jam ekde la 90-aj jaroj de la pasinta jarcento. Por amuzado kaj malstrechado de la popolo Kara-Oke ludis grandan rolon. Nun la china popolo kun ghojo akceptis tiun chi modernan kaj popularan amuzadon.

S-ro Wang la unua ricevis numeron de personauto en Shenzhen. La numero odoras lian personecon "Guangdong-B 860-068", simple telefonnumero. "Akirinte tiun numeron, mi sentas felichon kaj ghojon." Antau la TV-kamerao s-ro Wang ridis de ghojo.

Strebi al personeco nun farighis nova modo en Chinio. La vestoj, ornamajhoj, domdekoracio, personaj nomoj kaj loghejoj, chio odoras la malsamajn personecojn, kiuj sendube jam enprofundighis en la koron de la china popolo.

"Kun rideto al la homa vivo," parado de personeco donis al la homa vivo pli da memfido kaj indulgo. Elspezi la morgauan monon, memvole rifuzi la laborpostenon, senedzeco kaj rifuzi infanon… chio chi montris la emancipon de la ideologia koncepto de la chinoj.

"En la pasintaj dekkelkaj jaroj dank' al la chiam pli profundighanta reformado kun la merkata ekonomio kiel la kerno, la vivmanieroj de la chinoj kaj ideologiaj konceptoj multe shanghighis. Fakte, tiuj shanghighoj ja estas la homa modernigho," tiel diris esploristo de la China Akademio de Sociaj Sciencoj.

"La china popolo finfine eniris en la epokon plenan de rido. La rido estas popola vocho. Ghi elspiras pli da memfido kaj sereno," tiel diris s-ro Yu Qiuyu, fama intelektulo, kiam li jughis pri iu komikisto.

Ni tre shatus vian sugeston, klaku kaj donu vian vochon!