La 5-a de aprilo, 2002, estis Tago de Klaro kaj Brilo. Lau la nacia moro de Chinio oni faras aktivadon memore al la mortintaj parencoj kaj revoluciaj martiroj en tiu tago. Matene de la nomita tago 500 homoj de Gaoxie-vilagho de Zhoushan, Zhejiang-provinco, kolektighis antau la tombo de Zhu Zhuirong por montri respekton al shi.

La 52-jara Zhu mortis en trafika akcidento la 18-an de oktobro en la pasinta jaro, kiam shi projektis por la vilagho bazon de fruktarboj. Oni lamentis korshire. La 82-jara avino Yu kun larmoj diris: "Zhu Zhuirong, ho, vi faris bonon al la popolo la tutan vivon. Hodiau ni venis viziti vin."

La verda vilagho Gaoxie trovighas sur monta ebenajho. Ghi estas chirkauita triflanke de montoj. Tie vivas 660 familioj el 2051 homoj.

Oktobre de 1993 Zhu Zhuirong estis elektita gvidanto de la vilagho. La vilaghanoj plejparte sin okupas pri tradicia terkulturado, la vilagha ekonomio estis postighinta, kaj plie, en tiu jaro la vilagho havis debeton de 30 mil juanoj.

Antau la vilaghanoj soifantaj bonhavighon, Zhu sentis grandan maltrankvilon. Shi vizitis plurajn elitajn legom-kulturistojn kaj informighis, ke chiu plastmembrana forcejo povas profitigi 5 mil juanojn, se en ghi oni kulturas fragujojn. Shi iris longan vojon por fari esploron en legom-bazaroj de Zhoushan.

En kunveno de la vilagha komitato shi proponis konstrui plastmembranan forcejon por bonhavigi la vilaghon per fruktoj kaj legomoj. Shi diris: "Mi ne kredas, ke ni ne bonhavighos, se ni laboros penege."

Shi vizitis multajn vilaghanojn, diskutante kun ili pri detaloj por profito. Finfine shi persvadis ilin. Por konstrui unu forcejon oni devas elspezi mil juanojn. Sed iuj ne havis tiom da mono. Per sia klopodo shi ricevis rabaton por forceja konstruado kaj prunteprenis monon de banko, tiel ke septembre de 1994 shia vilagho mendis 53 kompletojn da materialoj por 53 forcejoj.

Por ke la vilaghanoj posedu teknikon de legom-kulturado en forcejoj, shi invitis fakulojn al la vilagho por prelego kaj enkondukis bonrasajn legom-semojn.

Por plibonigi la fundamentajn ekipajhojn de legomkulturo en forcejoj, shi kolektis monon per diversaj kanaloj, gvidis la vilaghanojn en konstruo de bazaro, akvorezervejo kaj kanaloj.

La pli-ol-70-jara kamparano Wang Zhonghua ekscitite diris: "En iu vintra tago shi organizis nin ordigi la riverliton. Estis frosta tago kaj ech junaj homoj hezitis enakvighi, sed shi demetis la shuojn kaj shtrumpojn kaj la unua eniris en frostan akvon. Kaj ni chiuj admiris shin."

La forcejo bonhavigis multe da legom-kulturistoj kaj en 1997 shi gvidis kamparanojn en kulturo de orangho kaj en la sekvanta jaro la orangho de la vilagho Gaoxie gajnis arghentan medalon de agrikulturajhoj de Zhejiang-provinco.

Nun Gaoxie estas bonhava vilagho fama pro forstumado kaj agrikulturaj trajtoj. Tie prosperas 66 hektaroj da legomghardenoj kaj 176 hektaroj da arbaro. Chiujare tie produktighas 4000 tunoj da legomoj, orangho, frago kaj aliaj fruktoj. En 2001 la pokapa enspezo de la vilagho estis 4494 juanoj kaj multaj havas sian belan domon.

La monto Donggao multe malhelpis kontakton de la vilagho Gaoxie kun la ekstera mondo en multaj jaroj kaj oni deziris konstrui tunelon tra la monto.

Zhu Zhuirong estis reprezentanto de popola kongreso de la distrikto Dinghai. Shi plurfoje proponis al la kongreso kontrui tunelon. Shi diris:"Konstrui tunelon tra la monto Donggao havas profundan signifon por disvolvi la lokan ekonomion, akceli la komercan intershanghon inter vilaghoj kaj urbo, plibonigi trafikon kaj levi la transportan efikon. Tio ne nur faciligas transportadon de la 4 mil tunoj da legomoj kaj fruktoj de la vilagho al urbo, sed ankau utilas al ekonomia disvolvigho de aliaj lokoj sur la insulo Zhoushan."

Januare de 2000 koncerna departemento de la urbo faris enketon en la loko kaj venis al la konkludo, ke shia propono ludos shlosilan rolon por realigi la gheneralan projekton de la urba disvolvigho kaj harmoniigi la lokan evoluon.

Por konstrui tunelon, la vilagho devis malkonstrui 25 domojn, rekvizicii 2.6 hektarojn da kampo. Tio koncernis cent familiojn. Por persvadi ilin, Zhu vizitis multajn familiojn, helpis ilin en solvo de la malfaciloj. Shi diris al aliaj kadroj de la vilagho: "Ni devas bone koni la vilaghanojn kaj scii, kiamaniere ni povas bone plenumi la taskon."

La monata salajro de Zhu estis nur 630 juanoj, tamen shi malavare donacis 3 mil juanojn por konstruo de la tunelo. Dank' al shia brila ekzemplo la tuta vilagho unu post alia donacis monon por la konstruo. Char la kompensa sumo por dommalkonstruo kaj kamp-rekvizicio mankis portempe, shi do hipotekis la novan domon de sia filo kaj pruntis monon che kredita kooperativo por kompensi la vilaghanojn.

Dank' al la granda penado la konstruo de la tunelo estis komencita oktobre de 2000. En la konstruejo ingheniero Ma diris al mi: "Mi konstruis multajn tunelojn. En aliaj lokoj chiam estis ia malagrablajho pro dom-malkonstruo, ebenigo de la kampo k.a. Mi ja unuafoje laboras en tiel bone preparita loko, kia Gaoxie-vilagho. Chi tie Zhu kaj shiaj vilaghanoj chiuj bone helpas nin. La tunelo 1110 m. longa nun estas glate konstruata kaj estos transdonita al uzado antau la 1-a de oktobro."

Ni tre shatus vian sugeston, klaku kaj donu vian vochon!