La Sepa Plena Sesio de la Dekkvina Centra Komitato
de la Komunista Partio de Chinio (KPCh) okazis inter la 3-a
kaj 5-a de novembro, 2002, Pekino.
Ghin cheestis 186 membroj kaj 139 kandidatoj
de la Centra Komitato de la partio. Cheestis ghin ankau la
membroj de la Disciplin-inspekta Komisiono de la Centra Komitato
de la partio kaj koncernaj gvidantoj sen vochdonrajto.
La sesio estis prezidata de la Politika Buroo
de la Centra Komitato. Jiang Zemin, ghia ghenerala sekretario,
faris gravan paroladon.
La sesio decidis, ke la Deksesa Tutlanda Kongreso
de KPCh inaugurighos la 8-an de novembro, 2002 en Pekino.
La sesio diskutis kaj aprobis la raporton de
la Dekkvina Centra Komitato de la Komunista Partio de Chinio,
diskutis kaj aprobis la "Statuto de la Komunista Partio
de Chinio (reviziita)". La sesio decidis prezenti tiujn
du dokumentojn al la Deksesa Tutlanda Kongreso de la partio
por ekzameni.
La sesio ekzamenis kaj aprobis la "Raporto
de la Disciplin-inspekta Komisiono de la Centra Komitato de
la partio pri ekzameno de Wang Xuebing". La sesio decidis
senigi lin je kandidateco al la Centra Komitato de la partio
kaj senigi lin je partianeco.
La sesio resumis la laborojn en la pasintaj 5
jaroj de post la 15-a kongreso kaj rememoris la historian
evoluon de reformado kaj pordmalfermo kaj socialisma moderniga
konstruado de post la 4-a Plena Sesio de la 13-a Centra Komitato
de la partio. Ghi opiniis, ke en tiuj 13 jaroj la internacia
situacio multe shanghighis kaj la reformado, pordmalfermo
kaj socialisma moderniga konstruado iris impete. La 3a-generacia
gvidantaro de la Centra Komitato de la partio kun kamarado
Jiang Zemin kiel la kerno, alte tenante la grandan standardon
de Dengxiaoping-teorio, unuigante la tutan partion kaj la
popolojn de chiuj nacioj de la lando kaj persistante en la
linio aprobita de la Tria Plena Sesio de la 13-a Centra Komitato,
aplombe traktis la malfacilojn kaj dangherojn kaj akiris senprecedencajn
sukcesojn en reformado kaj pordmalfermo. La sinteza nacia
forto de Chinio multe levighis. La granda afero pri paca reunuigo
de la patrio akiris gravan progreson, la popola vivo atingis
bonhavighon kaj kreighis nova situacio en konstruo de la socialisma
afero kun chinaj trajtoj. La grandaj sukcesoj akiritaj en
la pasintaj 13 jaroj certe gravurighos en la glora historio
de la granda reprospero de la china nacio. La valora sperto
akumulita en la pasintaj 13 jaroj havas longdauran kaj gvidan
signifon por la socialisma konstruado kun chinaj trajtoj.
Gvidate de Dengxiaoping-teorio kaj la grava penso
pri la "tri reprezentoj", la sesio plene analizis
la enlandan kaj internacian situacion, alfrontatan de la partio
en la nova jarcento, kaj la historiajn taskojn de la partio,
faris profundan diskuton pri kelkaj problemoj koncerne la
reformadon, pordmalfermon kaj socialisman modernigan konstruadon
de Chinio en la nova jarcento kaj nova historia periodo kaj
faris sufichan preparon por la 16-a Tutlanda Kongreso.
Ni
tre shatus vian sugeston, klaku kaj donu vian vochon!
|
