|
Posttagmeze de la 7-a de novembro la Prezidantaro de la 16-a
Tutlanda Kongreso de KPCh okazigis sian unuan kunvenon en
la Popola Halo en Pekino.
Jiang Zemin cheestis la kunvenon kaj faris gravan paroladon.
Sub la prezido de Hu Jintao, ghenerala sekretario de la
kongreso, la kunveno per manlevo aprobis la nomliston de la
Konstanta Komitato de la Prezidantaro de la kongreso el Jiang
Zemin kaj aliaj 31 personoj.
 Post tio la kunveno aprobis la tagordon sub la prezido de
Jiang Zemin. La kunveno per manlevo aprobis Ding Guangen,
Luo Gan, Zeng Qinghong kaj Wang Gang kiel asistajn ghenralajn
sekretariojn de la kongreso.
La kunveno aprobis la raporton pri ekzameno de kvalifikiteco
de reprezentantoj faritan de la Komisiono por Ekzameno de
Kvalifikiteco de Reprezentantoj de la 16-a Tutlanda Kongreson
de KPCh.
La raporto diras, ke la Centra Komitato de la Komunista
Partio de Chinio determinis 2120 reprezentantojn por la 16-a
kongreso, kaj la nombro estis dividita al diversaj elektaj
unuoj. La elektaj unuoj elektis 2120 reprezentantojn, el kiuj
2 forpasis, 2 faris gravan eraron en sia ofico au malobservis
la disciplinon de la partio kaj pro tio abdikis reprezentantecon,
kaj 2 grave malobservis la disciplinon kaj pro tio estis senigita
je reprezentanteco. Kaj efektive nombrighas 2114 reprezentantoj.
La raporto diras, ke por la elektado de reprezentantoj de
la 16-a Tutlanda Kongreso la Centra Komitato de KPCh elmetis
klarajn difinojn, la partiaj organizoj de la elektaj unuoj
zorgeme organizis la elektadon kaj serioze praktikis la principon
de demokratia centralizismo de la partio, la vastaj amasoj
de la partianoj aktive partoprenis, plene disvolvis demokration
en la partio, kaj la tuta laboro iris glate kaj bonorde. La
elekta laboro de la reprezentantoj estis plenumita en rigora
observo de la procedo difinita de la Centra Komitato de la
partio. 98 % de la bazaj organizoj de la partio tra la lando
faris rekomendon de kandidatoj de reprezentantoj, kaj 93%
de la partianoj partoprenis en tiu laboro. La elektaj unuoj
serioze organizis jughon pri la kandidatoj, precipe pri iliaj
ideologia kaj politika kvalito, laborstilo, honesta memregado
kaj opinio de la amasoj. Post la jugho la elektaj unuoj okazigis
kongreson de la partio au kunvenon de partiaj reprezentantoj
por fari marghenan baloton.
La raporto diras, ke la reprezentantoj de la 16-a kongreso
havas kaj avangardecon kaj vastan reprezentantecon. Plejparto
de ili estas gvidantoj au gravaj figuroj de diversaj frontoj,
au avangardaj modeloj en laboro de diversaj flankoj, kaj ili
havas kompare bonan amasan bazon. Ili havas grandan komunisman
idealon kaj firman kredon je socialismo kun chinaj trajtoj,
diligente studas kaj praktikas la gravan penson de "tri
reprezentoj" kaj faris elstaran kontribuon al reformado,
pordomalfermo kaj socialisma moderniga konstruado. La konsisto
de la reprezentantaro estas kompare racia, kaj la klereco
de la reprezentantoj estas pli alta. Inter la reprezentantoj
estas kompartianoj de diversaj historiaj periodoj.
La raporto diras, ke la Komisiono por Ekzameno de Kvalifikiteco
de Reprezentantoj opinias, ke la elekta laboro de la 38 elektaj
unuoj de la tuta lando konformas al la procedo difinita de
la Centra Komitato de KPCh kaj la reprezentanteco de la 2114
elektitoj estas valida. Imite la metodon de la 15-a Tutlanda
Kongreso de KPCh, la Centra Komitato de KPCh invitis 40 specialajn
reprezentantojn, kaj ili ghuas samajn rajtojn de la oficialaj
reprezentantoj.
La kunveno aprobis la elektan metodon (projekto) de la 16-a
Tutlanda Kongreso de KPCh kaj transdonis ghin al la delegacioj
por diskuto.
La kunveno aprobis la aranghon pri aliaj cheestantoj kaj
gastoj. La Centra Komitato de KPCh decidis inviti koncernajn
respondeculojn en la partio al la kongreso. Ili estas la membroj
kaj kandidataj membroj de la Centra Komitato de KPCh de la
15-a Centra Komitato de KPCh ne elektitaj kiel reprezentantoj
de la 16-a kongreso, kaj la membroj de la Centra Komisiono
por Disciplina Inspekto de KPCh; la membroj de la Konsultigha
Komitato de KPCh, ne elektitaj kiel reprezentantoj de la 16-a
kongreso au ne speciale invititaj; kelkaj veteranaj kompartianoj
kaj aliaj koncernaj kamaradoj ne elektitaj kiel reprezentantoj
de la 16-a kongreso nek speciale invititaj, sume 284. La gastoj
el ekster la partio invititaj al la inauguro kaj fermo de
la kongreso estas: iamaj vicprezidantoj de la shtato, tiuj
de la Tutlanda Konstanta Komitato de la Popola Kongreso kaj
tiuj de la Tutlanda Komitato de la China Popola Politika Interkonsiligha
Konferenco, gvidantoj de la demokratiaj partioj, respondeculoj
de la Tutlanda Industriista kaj Komercista Federacio, personoj
sen partia aparteno, membroj de la Konstanta Komitato de la
Tutlanda Popola Kongreso kaj konstantaj membroj de la Tutlanda
Komitato de la China Popola Politika Interkonsiligha Konferenco
loghantaj en Pekino, parto de nacimalplimultanoj kaj personoj
de religia rondo, sume 152.
La kunveno de la prezidantaro aprobis la tagordon de la
16-a kongreso, lau kiu la kongreso inaugurighos antautagmeze
de la 8-a de novembro kaj fermighos en la antautagmezo de
la 14-a de novembro.
Ni
tre shatus vian sugeston, klaku kaj donu vian vochon!
|
