Februare de 2000 ghenerala sekretario de la Komunista Partio de Chinio Jiang Zemin diris koncerne la partian konstruadon en la nova historia periodo, kiam li faris inspektadon en Guangdong: "Resumante la pli-ol-70-jaran historion de nia partio, ni venis al la konkludo, ke nia partio gajnis subtenon de la popolo pro tio, ke ghi estas avangardo de la laborista klaso kaj en chiuj historiaj periodoj de la revolucio, konstruado kaj reformado, ghi chiam reprezentas postulojn de la avangardaj sociaj produktaj fortoj de Chinio, reprezentas direkton de la progresa kulturo de Chinio kaj reprezentas la fundamentajn interesojn de la vasta china popolo." Maje de la sama jaro en sia inspektado en Jiangsu, Zhejiang kaj Shanhajo, Jiang resumis tiun tezon en "tri reprezentojn". Li diris, ke nia partio devas pluapashe levi la nivelon de regado kaj gvidado lau la postuloj de la "tri reprezentoj", tio estas bazo de nia partio, fundamento de nia potenco kaj fonto de nia forto. El la "tri reprezentoj" la fundamenta estas reprezenti la fundamentajn interesojn de la popolo.

La unuan de julio de 2001 en la solena kunveno memore al la 80-jara jubileo de la fondigho de la Komunista Partio de Chinio Jiang diris en sia parolado, ke resumante la bazan sperton de nia partio en la 80-jara penado kaj rigardante la penigajn taskojn kaj brilan estontecon, la partio devas daure stari che la fronto de la epoko, gvidi la popolon en antauenmarsho kaj persiste teni la supre menciitajn "tri reprezentojn". Tiu grava penso estas granda programo por komplete plifortigi la partian konstruadon kaj montris direkton de la partia konstruado en la nova epoko.

Ni tre shatus vian sugeston, klaku kaj donu vian vochon!