S-ro Zhao Dezun estas unu el la plej aghaj reprezentantoj de la 16-a kongreso de la partio. Li partoprenis la Sepan Kongreson de KPCh kaj funkciis iam kiel gvidanto de Heilongjiang-provinco. Antau 17 jaroj li emeritighis, sed nun farighis reprezentanto de la 16-a kongreso.

Kvankam li veturis la tutan nokton trajne, tamen li aspektis neniom laca. Li estas grizhara, tamen viglpensa. Kun granda ghojo li diris: "La plej grava tasko de nia kongreso estas unuigi la penson unue de la tuta partio kaj due de la tutlanda popolo. Kun unuigita penso ni povas ellabori bonan programon kaj celon por granda afero."

Kun ghojo li rememoris la 7-an kongreson de la partio: "En la 7-a kongreso la partio decidis preni Maozedong-penson kiel la gvidan penson de la partio, kio unuigis la volon de la tuta partio kaj dank' al tio la partia afero eniris en la tute novan periodon, kaj sub ghia gvido la popolo liberigis la tutan landon." Post la 7-a kongreso sub lia gvido la kadra regimento rapide direktis sin de Yan'an al la Nordoriento de Chinio kaj tie kreis bazlokon. Li faris grandan kontribuon al liberigo de la Nordoriento kaj la tuta lando.

S-ro Zhao membrigis al la partio antau 67 jaroj. Post emeritigho li daure prizorgis la popolan vivon. Li diris: "Nun mi min okupas pri la laboro por maljunuloj kaj ankau zorgas pri kresko de la juna generacio." Oni diris, ke en tiuj jaroj li jam donacis 100 mil juanojn al la Projekto Espero (por helpi malrichajn infanojn en lernado). Li diris al siaj gefiloj: "Mi ne preparis al vi richigan nek oficistigan vojon. Mi postlasos al vi neniun richajhon. Mi postlasos al vi nur la revoluciajn spiriton kaj tradicion. Mi originis de suferoplena medio kaj forlasos tiun chi mondon honeste. Mi faros nenion kontrauleghan por privataj interesoj, char mi estas komunisto!"

En la 16-a kongreso Zhao estas tre vigla. Li diris: "Tio estas la unua kongreso de nia partio en la nova jarcento. Nia partio kaj patrio trovighas en la nova periodo de disvolvigho kaj bezonas unuigitan penson. La grava penso de la 'tri reprezentoj' ja estas farita lau la shanghigho de la china kaj internacia situacioj por kontentigi la bezonon de nia moderniga konstruado. Tutkore servi al la popolo estas principo de nia partio. Unuiginte la penson de la tuta partio en tiu chi kongreso ni gvidos la tutlandan popolon en plenumo de granda afero, t.e. kontruado de bonhava socio kaj realigo de la granda reprosperigho de la china nacio."

Zhao shatas kanti la kanton "Sen kompartio ne estus nova Chinio". Li diris: "Sen kompartio ne estus nova Chinio kaj en la nova jarcento sen kompartio ne estus moderna Chinio. Mi estas fidoplena pri nia partio."

Ni tre shatus vian sugeston, klaku kaj donu vian vochon!