En la inauguro de la 16-a Tutlanda Kongreso de la Komunista Partio de Chinio, en la nomo de la 15-a Centra Komitato de KPCh, Jiang Zemin faris raporton sub la titolo "Komplete konstrui bonhavan socion kaj krei novan situacion de socialisma afero kun chinaj trajtoj". La raporto vekis varman respondon de la tuta popolo kaj grandan atenton de fremdlandaj raportistoj en Pekino.

Martin Fackler, raportisto de la usona Asociita Jhurnalismo, diris, ke lin plej forte impresis la enhavo pri opono kontrau korupto, ke la raporto akcente menciis, ke Chinio firme oponos kontrau korupto, preventos kaj firme punos ghin. Li diris: "Prezidanto Jiang diris, ke sen firma opono kontrau korupto, la sangaj interrilatoj de la partio kun la popolo estos serioze damaghitaj, la reganteco de la partio minacata, kaj la partio eble pereos per si mem. Interligi oponon kontrau korupto kun la sorto de la partio, tio plene montras la kategorian sintenon en tiu flanko."

Oliver August, chefo de la Pekina Buroo de la brita jhurnalo "La Tempoj", diris, ke en tiu raporto Chinio montras bonvenon al la neshtataj sektoroj de la ekonomio. Evidente la registaro, disvolvante publikajn sektorojn de la ekonomio, kuraghigos, subtenos kaj orientos la kreskon de nepublikaj ekonomiaj sektoroj. Antaue tio estis menciita, sed nuntempe tio estas pli konkreta kaj ripetata kiel strategia punkto de la nacio.

August diris, ke en la raporto Jiang Zemin apelaciis al la autoritatoj de Taiwan, ke "surbaze de la principo de unu Chinio, ni portempe flankenmetu kelkajn politikajn disputojn kaj kiel eble plej baldau rekomencu dialogon kaj intertraktadon". Jiang Zemin diris, ke la paca reunuigho estas aspirata de la tuta popolo de Chinio kaj ankau de la tuta mondo.

Kotera Matsuo, chefa raportisto de jhurnalo Akahata de la Japana Komunista Partio, diris, ke la raporto de Jiang Zemin estas malproksim-atinga kaj pragmata. La raporto montris la direkton de konstruo de china socialisma merkata ekonomio kaj menciis multajn problemojn koncernantajn ordinarajn chinojn, ekzemple helpo al malrichuloj kaj reenoficigo de laboruloj. Kotera Matsuo diris, ke li shatus vidi, kiel Chinio bone solvos tiujn problemojn.

Kotera Matsuo citis el la raporto: "Kiel ajn shanghighos la internacia situacio, Chinio sendevie persistos en memstara, sendependa kaj paca diplomatio. La celo de la diplomatia politiko de Chinio estas defendi la mondpacon kaj akceli komunan disvolvighon." Li kredas, ke Chinio bone kontribuos al la mondpaco kiel antaue.

Interese estis, ke kiam Kotera Matsuo eksciis, ke mi estas raportistino de www.china.com.cn, li diris kun rideto: "Do memoru la postulon en la raporto: Interreto devas esti grava pozicio por disvastigi avangradan kulturon ."

Ni tre shatus vian sugeston, klaku kaj donu vian vochon!