Li Changhe kaj liaj kamaradoj sur konstruejo

Longhe-rivero trairas en la Shizhu-a Tugja-nacia Autonoma Gubernio de Chongqing. La 19-an de majo, 2002, Li Changhe, vicestro de la Gubernia Teritoria kaj Dombiena Buroo, senhezite ensaltis en la riveron por savi dronantan knabinon kaj oferis sian vivon.

Che la rivero, kie viktimighis Li Changhe, oni diris: "Tio estas rivero, kiun ni fosis sub gvido de Li Changhe. Li estis klara, ke neniu povis viva eliri de la tiea inundo."

Antauvespere de la unua de julio, che la 81-jara datreveno de la naskigho de la Komunista Partio de Chinio, la urbo Chongqing donis al li honoran titolon "bona kadro realigantan la 'tri reprezentojn'" kaj "revolucia martiro".

Sinofero

La 19-a de majo estis dimancho. En Shizhu-gubernio falis pluvego en sinsekvaj tagoj. Sabate Li Changhe revenis hejmen de kunveno. Matene de dimancho lia edzino audis, ke li diris che telefono: "Mi iros tuj!" Kaj sen matenmanghi li eldomighis. Che la foriro li diris al la edzino: "Mi revenos tagmanghi."

Kune kun guberniaj gvidantoj li iris inspekti Yucheng-digon. La digo ludas grandan rolon por bremsi inundon en Shizhu-gubernio kaj ekspluati la teron. Ghi estis konstruita por shanghi la fluejon de Longhe-rivero, la plej longa en la gubernio. Li Changhe funkciis siatempe kiel chefkomandanto de la konstruo.

Tiam la pluvo dauris. En la rivero ch. 80 m. largha, la akva flukvanto estis 3 mil kubmetroj en sekundo. Super la rivero kushas facila ponto. Je 60 m. for de la ponto staras malgranda monto.

Je la 10-a horo, kiam la gvidantoj forlasis la digon, He Zhifa, vicsekretario de la partia komitato de la gubernio, kaj Li Changhe deziris inspekti trans la rivero. Ili iris ch. 10 metrojn sur la ponto kaj He Zhifa sentis sin malforta. Ili do revenis al la antaua bordo. He kaurighis kun la dorso al la rivero por surmeti siajn shuojn, dum Li tenis ombrelon malantau li.

La 53-jara He rakontis: "Mi audis, ke Li Changhe subite kriis: 'Savu homon!'. Li forjhetis la ombrelon kaj forkuris. Senhezite li sin jhetis en la akvon." Mezlernejanino Ran Jianhua, kiu loghis proksime, dronis en la akvo kaj forportighis de la torento.

Li Changhe naghis energie ch. 50 metrojn kaj kiam li estis je 4 metroj for de la dronanto, ondo englutis la knabinon. Li Changhe mansvingis en la akvo. "Ghuste en tiu momento la knabino denove aperis sur la akvo. Vidinte tion, Li Changhe senprokraste sin jhetis en la kirlon," daurigis He.

He Zhifa kuris lau la bordo kaj informis aliajn homojn, kiuj antau kelkaj minutoj forlasis la lokon. Kuris ankau la proksimaj loghantoj. Post du horoj, helpate de cento da homoj, oni trovis ilin che la malsupra parto de la rivero, sed ambau jam mortis.

Kora funebro al la heroo

Che la digo

La 22-an de majo, la gubernio okazigis funebran kunvenon por Li Changhe. La funebradon cheestis 30 mil homoj, t.e. preskau chiuj loghantoj eldomighis en la gubernia urbo. Multaj korshire ploris. La larmoj de la popolanoj estis signo de ilia amo al Li Changhe.

Efektive, tio ne estis la unua fojo por li en savo de aliaj. Maje de la pasinta jaro li savis dronantan shoforon en la sama loko de la rivero. Antau sia malmobilizigho en 1998, sur la Qinghai-Tibeta Altebenajho li servis en armeo 18 jarojn. Dum tiu tempo li plurfoje savis aliajn kaj trifoje ricevis meritojn kaj 6-foje premiojn.

Lia kolego Yan Xuechang, kiu servis 18 jarojn en la sama trupo kun Li Changhe, diris, ke foje en somero de 1993 Li Changhe gvidis grupon da soldatoj manupilantaj pneumatikajn drilojn en milita konstruejo. Subite li trovis, ke falis tero de sur la tunela tegmento, li tuj haltigis la driladon kaj laute kriis: "Tuj retirighu, baldau enfalos la tegmento!" Tamen la drila bruado tute dronigis lian kriadon. Li tuj sin jhetis antauen, forpushis kelkajn kamaradojn kaj mem la lasta desaltis de la loko. Preskau en la sama momento falis 100 kubmetroj da rokoj kaj tero. Roko trafis la kapon kaj piedojn de Li Changhe, kiu svenis 4 tagojn en la hospitalo. Pro tio lia dekstra piedo iomete kriplighis.

Alifoje en autobuso li batalis kontrau shtelisto, kiu havis batilon en la mano. Li iam savis kamaradojn el akcidento en milita ekzerco. Yan diris: "Li Changhe chiam agis lau sia devokonscio al la socio. Ja ne estas hazarde, ke li farighis heroo."

Honesta kaj modesta oficisto

Li raportas al gvidanto pri konstruado de Yucheng-digo.

Li Changhe estas chiam fervora al la popolo kaj entuziasma al la laboro. De decembro 2000, kiam komencighis la unuaperioda konstruado de Yucheng-digo, li chiam laboris sur la konstruejo. Li revenis hejmen por shanghi vestojn nur unufoje chiusemajne. De la unua tago, kiam komencighis la konstruado de la digo ghis lia viktimigho, en tiuj pli ol 500 tagoj li faris ekstran laboron egalan al tiu por 130 tagoj.

Lia edzino Sun Wenqin diris: "Li chiam laboris sur la konstruejo escepte de kunveno kaj lernado." Lia filino plendis: "En la ordinaraj tagoj mi malofte vidis lin. En semajnofino li faris ekstran laboron kaj vespere, kiam mi jam endormighis, li ankorau ne venis hejmen."

Li Changhe diris: "En la laboro mi devas esti inda je miaj komunisteco kaj posteno."

Dum sia vivo li faris multon por la popolo, sed malmulton por si mem kaj siaj familianoj. Li tre amis siajn gepatrojn. Tamen lia lasta vizito al siaj gepatroj, kiuj loghas en la sama gubernio, okazis februare. En lia chambro estis neniu valorajho. Li kaj liaj familianoj vivis tre modeste, ech iom mizere, sed al la popolo kaj laboro li montris sian grandan entuziasmon kaj respondecon.

Ni tre shatus vian sugeston, klaku kaj donu vian vochon!