Hu Jintao, han-o, naskighis decembre de 1942 en Jixi-gubernio, Anhui-provinco. Li membrighis al la Komunista Partio de Chinio aprile de 1964. Li diplomighis el la Akvomastruma Fakultato de Qinghua-universitato.

Nun li estas ghenerala sekretario de la Centra Komitato de KPCh kaj vicprezidanto de ghia Centra Milita Komisiono, vicprezidanto de la China Popola Respubliko kaj tiu de ghia Centra Milita Komisiono kaj rektoro de la Partia Lernejo de la Centra Komitato de KPCh.

Li funkciis kiel sekretario de la Komitato de la Komunisma Junulara Ligo (KJL) de Gansu-provinco, sekretario kaj unua sekretario de la Sekretariato de la Centra Komitato de KJL de Chinio kaj prezidanto de la China Tutlanda Junulara Federacio, sekretario de la Partia Komitato de Guizhou-provinco, tiu de la Tibeta Autonoma Regiono.

Li estis alterna membro kaj membro de la 12-a Centra Komitato de KPCh, membro de la 13-a, 14-a, 15-a kaj 16-a Centraj Komitatoj de KPCh, membro de la Politika Buroo de la 14-a kaj 15-a Centraj Komitatoj de KPCh, ilia konstanta komitatano kaj sekretario de ilia Sekretariato. En la 4-a Plena Sesio de la 15-a Centra Komitato de KPCh li farighis vicprezidanto de la Centra Milita Komisiono de la Centra Komitato de KPCh.

Ni tre shatus vian sugeston, klaku kaj donu vian vochon!