La chi-jara UK ricevis mesaghon de la Asista Ghenerala Direktoro de Edukado de UNESKO kiel jene:

Kun granda plezuro mi, komisiite de la Ghenerala Direktoro de UNESKO, hodiau sendas saluton al la partoprenantoj de la 88-a Universala Kongreso de Esperanto. Kiel vi scias, UNESKO aljughas grandan gravecon al kunlaboro kun neregistaraj organizoj, chu internaciaj chu naciaj, char ni same celas krei solidarecon kaj interkomprenighon. Pro tio ni alte taksas niajn multjarajn rilatojn kun la Universala Esperanto-Asocio, kiu chiam aktivis por establi ligojn inter diversaj popoloj, tiel kontribuante al internaciaj interkomprenigho kaj paco. UNESKO rigardas lingvojn kiel kanalojn de dialogo kaj do de interkomprenigho. Pacaj interrilatoj inter la nacioj de la mondo nepras en la nuntempo, kaj lingvo kaj kulturo estas la shlosilaj elementoj de internacia dialogo.

Chiu lingvo estas kaj esprimo de la kulturo de komunumo kaj ilo por konservi tiun kulturon por postaj generacioj. Chiu lingvo en la mondo prezentas unikan manieron percepti la realon. Estas danghero, ke multaj el tiuj lingvoj, protektantoj de diverseco, malaperos dum la venontaj jaroj, se ni ne multe penos por ilin konservi.

Per tio, ke ghi stimulas komunikmetodon, la Esperanto-movado helpas konstrui pontojn de interkomprenigho inter diversaj popoloj kaj kulturoj. Tiumaniere Esperanto helpas montri, ke unueco kaj diverseco eblas kaj fakte necesas. Mi gratulas la Universalan Esperanto-Asocion pro tiu iniciato kaj mi deziras al la kongreso chian sukceson.

(John Daniel el Parizo)