La
amaskomunikiloj daure donis atenton al la 88-a UK. En la 29-a
de julio la sveda televizio sekvis multajn fakkunsidojn kaj
petis la kunvenantojn grupighi por grupfoto kaj filmis ilin.
La sveda televizio ankau preparas programon, kvankam ghi ne
temos pri la kongreso, tamen pri la homoj, kiuj okupighas pri
Esperanto, pri la vasteco de interesoj inter esperantistoj.
Jam de kelkaj tagoj sekvas la kongreson kaj intervjuas
esperantistojn Maximilian Moll de la prestigha franca-germana
televida kanalo ARTE. Ankau lia celo estas pli ghenerala ol
la laboroj de la kongreso. Li interesighas speciale pri Esperanto-parolantaj
familioj kaj la avantaghoj, kiujn la infanoj en tiaj familioj
eventuale ricevas per frua parolado de Esperanto.
La 29-an de julio alvenis Ginanne Brownell, jhurnalistino
che la usona magazino Newsweek, kun la celo skribi artikolon
pri Esperanto, bazitan sur propraj spertoj de partopreno en
Esperanto-kongreso kaj intervjuoj kun faktaj uzantoj de Esperanto.
Yu Tao, ghenerala sekretario de la China Esperanto-Ligo akceptis
shian intervujon.
Pri la 88-a UK en Gotenburgo raportis ankau la
Xinhua-a Novajh-agentejo, plej granda novajh-agentejo de Chinio.
(Chen
Ji el Gotenburgo, Svedio)
|