La 1-an de augusto en la salono Lapenna estis prezentado
de venontaj UK-oj, kiu interesis multajn kongresanojn. Iuj ech
sidighis sur la planko. Ili ghuis la belajn filmojn pri pitoreskaj
urboj de Chinio, inkluzive de Pekino, kiu gastigos la 89-an
UK.
S-ino Tan Xiuzhu, prezidanto de la China Esperanto-Ligo
(ChEL), kaj s-ro Yu Tao, ghenerala sekretario de ChEL, prezidis
la kunvenon. S-ino Tan , krom prezenti koncize la kongresan
urbon Pekino, ankau traktis la malsanon SARS. Shi diris, ke
antau 3 au 4 monatoj la malsano ekscitis la tutan mondon, kaj
multaj samideanoj maltrankvilighis ne nur pri la malsano, sed
ankau pri la sorto de la Pekina UK en 2004. Dank' al efikaj
rimedoj de la china registaro la malsano estis rapide venkita
kaj la normala vivo denove revenis. Shi vochlegis leteron de
iu samideano al la redakcio de El Popola Chinio: "ˇgravas
kompreni, ke ni la homoj respondecas. La malsano ja nur estas
io, kio enshtelighas tra pordo, kiun ni homoj forgesis fermi.
SARS estas ankorau tre eta, ni havas amason da rimedoj kontrau
ghi. La fenomeno estas timiga. Timo igas nin singardaj, igos
niajn kuracistojn esploradi - timo utilas foje." Jes, la
china popolo kaj china registaro multe lernis de la leciono,
por kiu la china popolo pagis ech la vivon, kaj spertighis pri
prevento kaj kuraco de la malsano. Shi ankau certigis, ke la
89-a UK etendos siajn brakojn al chiuj kongresemaj esperantistoj
chinaj kaj alilandaj. S-ino Tan kaj s-ro Yu Tao respondis demandojn
de la cheestantoj pri la kongreso.
La kunveno-cheestantoj ricevis donacetojn. Multaj
el ili montris deziron partopreni la kongreson en Pekino.
(Chen
Ji)
|