Matene de la 28-a de julio inaugurighis en Gotenburgo de Svedio, la 88-a Universala Kongreso de Esperanto, kun pli ol 1700 partoprenantoj. La inauguro okazas tradicie en dimancho, sed chi-foje en lundo por eviti la feriojn en Svedio.

La china ambasadoro Zou Mingrong partoprenis la inauguran ceremonion kaj alparolis la kongreson. Li diris: "Mi ege ghojas cheesti la solenan inauguron de la 88-a UK en la charma havenurbo Gotenburgo. Lingvo estas komunikilo de la homaro. Ni rimarkis, ke Esperanto helpas la popolojn de diversaj landoj facile interkomunikighi, bone interkompreni kaj pace kunekzisti."

Salutis la inauguron ankau vicurbestro de Gotenburgo kaj gubernia reprezentantino, kiu ne scias Esperanton, tamen parolis en nia lingvo.

S-ino Tan Xiuzhu, prezidanto de la China Esperanto-Ligo, donis salutvortojn al la kongreso. Shi diris: "Granda china antikva filozofo Konfuceo diris, ke neesprimeblas ghojo pro alveno de amikoj el malproksimo. Ni, chinaj esperantistoj, entuziasmigitaj pro la gastigo de la 89-a UK estas pretaj bonvenigi vin al Pekino. Ni promesas fari nian eblon por sukcesigi la novan kongreson en Azio, kie kushas espero de nia movado, kaj ni petas vin kontribui por havigi al nia kongreso pli da sukcesoj, pli da koloroj kaj pli da signifoj."

Vicprezidanto de UEA Humphrey Tonkin mallonge pritraktis la kongresan temon "Lingvaj rajtoj kaj respondecoj". Li diris, ke la celo de la chi-jara temo en la Universala Kongreso en Gotenburgo estas pliklarigi la demandon kaj esplori, kiel ghi aplikighas al niaj argumentoj por utiligo de la internacia lingvo Esperanto.

La inauguro fermighis per kantado de la himno "La Espero".

(Chen Ji )

Salutvortoj de s-ro Zou Mingrong