Jam antau la kongreso la svedaj amaskomunkiloj komencis
diskonigi la 88-an UK. La sveda novajhagentejo TT dissendis
longan artikolon bazitan sur intervjuoj kun pluraj LKK-anoj,
donante ankau kelkajn praktikajn frazojn en Esperanto kun traduko
en la sveda. Tiun artikolon multaj gazetoj publikigis, i.a.
la vaste distribuata gazeto Metro, kiu en sia gotenburga
eldono aldonis iom da propra materialo. Plej origine ghis nun
agis la tutlanda gazeto Expresen, kiu turnis sin al la
Alta Protektanto de la kongreso, la sveda chefministro Goran
Persson. Li ne povas cheesti la inauguron de la kongreso, char
li ferias, kion la gazeto ilustris per granda kolora foto kaj
granda parolveziko.
En la 26-a la gotenburga gazeto Goteborgs-Posten
aperigis novan longan artikolon dissenditan de la novajhagentejo
TT. Samtage aperis en la plej grava sveda gazeto Dagens Nyheter
artikolo verkita de ghia Gotenburga korespondanto kaj paralele
la E-traduko de la artikolo.
En la loka radio oni povis audi plurfoje intervjuojn
kun diversaj reprezentantoj de LKK. Estas atendataj ekipoj de
diversaj televidaj kompanioj, kiuj sekvos la laborojn de la
kongreso au kaptos la okazon por prepari specialajn programojn
pri la "fenomeno" Esperanto por estonta uzo. Nur unufoje
jare tiom da esperantistoj kolektighas en unu loko - okazo,
kiun oni intencas utiligi.
|