La
23-30-an de junio Sino-satelito, servanta al la tuta Chinio, estis
atakata de kontrauleghaj TV-signaloj de Falungong kaj la programoj
de la Centra TV-stacio de Chinio kaj 10 provinc-nivelaj stacioj
estis serioze jhamitaj. Pro tio Falungong estis riprochata de la
tutmonda opinio.
Sun
Yulong, kamparano de Gansu-provinco, diris: "Je la 7-a horo,
vespere de la 23-a de junio, mi rigardis TV-programon kelkajn minutojn
kaj subite malaperis ghiaj bildoj sur la ekrano kaj aperis tiuj
pri Falungong. En tiu momento mi kutime rigardis veteran prognozon
kaj kamparajn novajhojn. Li Hongzhi interrompis tiujn informojn.
Se en la sekvanta tago pluvos, hajlos k.s., tio certe kauzos gravan
damaghon al niaj grenaj plantajhoj kaj brutoj, char ni ne scias
veter-informojn por la sekvanta tago."
Sima
Yunfeng, kamparano de Henan-provinco, diris: "Vespere de la
23-a de junio, je 10 minutoj post la 7-a horo, por rigardi la mondpokalan
piedpilkan konkurson, mi premis butonon de la 5-a kanalo kaj rimarkis,
ke sur ekrano aperis bildoj pri Falungong, kiuj okupis nian amuzan
horon."
Xu
Fuhai, respondeculo de Radio- kaj TV-buroo de Gansu-provinco, diris:
"La popolo tre shatas TV-programon. En la tagoj, kiam kamparanoj
estas tre okupataj de somera rikolto, Falungong intence damaghis
TV-elsendon, kio multe malutilis al nia agrikultura produktado kaj
kultura vivo."
Falungong
atakis Sino-sateliton. Tio montris, ke ghi intence malobservis la
internacian pakton pri telekomunikado kaj audace provokis la modernan
civilizacion, mondan ordon kaj homajn moralojn. Chen Ruming, konstanta
komitatano de la China Telekomunika Asocio, diris, ke se oni tolerus
la aktivadon de Falungong, tio estus katastrofo por la monda satelita
telekomunikado kaj la homa civilizacio.
Zhang
Chu, profesoro de la Pekina Poshta kaj Telekomunika Universitato,
diris, ke la atako fare de Falungong el eksterlande estas severa
malobservo de la internacia pakto kaj krimago farita per nova teknologio
en la nova situacio, kio estas netolerebla de la moderna konstitucia
socio.
Min
Changning, chefingheniero de la Limigita Kompanio de Sino-satelito,
diris, ke Sino-satelito servas al la tuta Chinio. Interrompo de
ghiaj signaloj kauzos seriozan malutilon al la rigardantoj en ricevo
de gravaj informoj. La satelito estas taskita komuniki donitajhojn
de oleaj informoj. En dezerto la nafto-prospektoroj tenas kontakton
kun postfronto per satelitaj informoj. Se la satelito estas atakata
en horo de sabloshtorma furiozado, la nafto-prospektoroj kaj ekspluatantoj
falos en dangheron.
Yang
Guiming, supera ingheniero de la China Centra Meteorologia Stacio,
diris, ke nun en iuj lokoj de Chinio ofte okazas tajfuno kaj shtormo.
Se tiutempe la satelitaj signaloj estas jhamitaj, do interrompighos
la meteorologiaj signaloj kaj oni ne povos kolekti meteorologiajn
materialojn, sekve de tio fakuloj ne povos fari ghustan veterprognozon,
kio serioze malutilos al la homa vivo kaj produktado.
Informighinte
pri la kontraulegha atako de Falungong al Sino-satelito, diversaj
rondoj de Usono, Australio, Hongkong, Makao kaj Taiwan unu post
alia riprochas la herezon Falungong.
Prezidanto
de la Nov-Jorka Federacio de Chinaj Societoj Liang Guanjun diris,
ke damagho al satelitaj programoj estas sama kiel komputila rabokapto.
La nov-jorka societo de chinoj, chiuj chinaj elmigrintoj forte indignas
kontrau tio kaj unuvoche riprochas la herezan chefon Li Hongzhi
pro lia damagho al la homa vivo kaj socia sekureco. Ili ghojas pri
tiuj rimedoj alprenitaj de la china registaro en ghia batalo kontrau
Falungong.
Prezidanto
de la Societo de Usonaj Fujian-anoj Chen Qingquan diris, ke la aktivado
de Li Hongzhi montris, ke li jam rompis kun la popolo, kun la china
nacio, kio nature vekis indignon de la china popolo, char li malhelpis
la normalan vivon de la china popolo, spite la internacian pakton
kaj sociajn moralojn. Pro tio la tuta china popolo klare konis la
naturon de Li Honghzhi kaj lia herezo Falungong.
Pluraj
australiaj jhurnaloj en la china kaj angla lingvoj raportis pri
la atako de Falungong al la china satelito kaj esprimis sian abomenon
al Falungong.
Direktoro
de la Tutgloba TV-telekomunika Kompanio de Australio diris, ke li
forte riprochas la krimagon de Falungong, char individuoj ne povas
fari tian aktivadon. Por ataki satelitajn TV-signalojn oni bezonas
specialajn ekipajhojn, valorajn almenau je centoj da miloj da usonaj
dolaroj kaj plie unu au du homoj ne povas fari tion. Li kredas,
ke tio certe estas zorgeme organizita kaj farita de politika organizo.
Vicdirektoro
de la Makaa Satelita Kompanio Hu Liang diris: "Kiel fakuloj
pri satelita telekomunikado, ni esprimas grandan indignon kontrau
Falungong, char ghi malkashe malobservis internacian pakton kaj
regulojn de civila telekomunikado. Ghi estas puninda, char ghi malhelpis
normalan rigardon de televidaj programoj."
Revenu
|