La 22-an de februaro proparolanto de la China Ministerio de Agrikulturo pri la laboro kontrau altpatogena birda gripo diris, ke la altpatogena birda gripo okazinta en Long'an-gubernio, Guangxi-a Ghuang-nacia Autonoma Regiono, Chinio, estis estingita kaj la izolejo de tiu epidemio estas jam liberigita.

La 23-an de januaro B-tipa altpatogena birda gripo H5N1 atakis la distrikton Dingdang de Long'an-gubernio, kaj oni senprokraste izolis kaj antisepsis la lokon, mortigis au imunigis la kortobirdojn. Forpasis jam 21 tagoj de tiam kiam oni mortigis la lastan kortobirdon, kaj la loka kvarantena stacio faris kompletan monitoradon. La rezulto montras, ke ghi konformas al la difinoj pri liberigo de la izolejo en la epidemia loko kaj la koncernaj reguloj kontrau la altpatogena birda gripo de Chinio kaj oni konkludis, ke la altpatogena birda gripo en la distrikto Dingdang estis jam estingita, tial la popola registaro de la gubernio liberigis ghian izolejon la 22-an de februaro, 2004.

La Ministerio de Agrikulturo postulas, ke la loka kontrola instituto pri animala epidemio faru dauran monitoradon pri la loka epidemio kaj alprenu pozitivajn metodojn por preventi la refojan atakon de la altpatogena birda gripo.

Ni tre shatus vian sugeston, klaku kaj donu vian vochon!