Antau nelonge la China Ministerio de Financo kaj la
Shtata Ghenerala Imposta Administracio kune publikigis "Urghan
anoncon pri la imposta politiko favora al la kortobirda entreprenado"
por malpliigi la malutilon kauzitan de la altpatogena birda gripo
al la kortobirdaj entreprenoj en Chinio kaj mildigi damaghon al
la kortobirdaj entreprenantoj en epidemiaj lokoj. Dank' al tiu anonco
la kortobirdaj produktantoj ghuos 5 favorajn politikojn.
I. De la 1-a de februaro ghis la 31-a de julio 2004
la shtato redonos la tutan valor-aldonan imposton al la kortobirdaj
prilaboraj entreprenoj kaj nuligos al ili la imposton super la urbokonstruado
kaj edukado.
II. La shtato senimpostigos la kortobirdajn bredantojn,
prilaborajn kaj fridigajn entreprenojn en 2004.
III. La shtato senimpostigos la financan subvencion
ricevitan de la entreprenoj kaj individuoj, kies kortobirdoj estis
mortigitaj.
IV. Sankciite de la provinca, autonom-regiona kaj municipa
registaro, la imposta administracio nuligos au mildigos en 2004
la impostojn super la tero, domoj, shipoj kaj aliaj veturiloj uzataj
de la kortobirdaj bredantoj, prilaboraj kaj fridigaj entreprenoj.
V. La shtato redonos chiujn impostojn super la eksportitaj
prilaboritaj kortobirdoj, inkl. de tiuj, kiuj jam eksportighis en
2003, sed ne endosierighis antau la 15-a de januaro, 2004.
La entreprenado de kortobirda bredado estas unu el
la gravaj industrioj de la china agrikulturo kaj havas kompare fortan
konkurencpovon en la internacia merkato. En la pasintaj jaroj Chinio
chiam praktikis makroskopan financan politikon por akceli ghian
disvolvighon kaj senimpostigis la valor-aldonan imposton super tiuj,
kiuj vendas siajn propre produktitajn kortobirdojn kaj kortobirdajhojn
kaj portempe ne pagigis imposton al ili super la kortobirdaj bredantoj,
kio tre utilis al disvolvigho de la kortobirda entreprenado kaj
pliigo de la enspezoj de la kamparanoj.
Ni
tre shatus vian sugeston, klaku kaj donu vian vochon!
|