La Tutlanda Popola Kongreso de la China Popola Respubliko estas la plej supera organo de la shtata povo. Ghi konsistas el reprezentantoj elektitaj de chiuj provincoj, autonomaj regionoj kaj municipoj kaj la Popola Liberiga Armeo. Ghia servo-periodo estas 5 jaroj kaj en la unua trimestro de chiu jaro okazas ghia sesio.

    La Konstitucio de la China Popola Respubliko tekstas: Chiuj rajtoj de la respubliko apartenas al la popolo. La organo, kie la popolo efektivigas siajn rajtojn, estas la Tutlanda Popola Kongreso kaj diverslokaj popolaj kongresoj. La reghimo de la popola kognreso estas la fundamenta politika sistemo de la China Popola Respubliko. La shtataj institucioj praktikas la principon de demokratia centralizismo. La Tutlanda Popola Kongreso kaj diverslokaj popolaj kongresoj naskighas post demokratia elektado. Ili respondecas por la popolo kaj estas kontrolataj de ghi. La personaroj de la shtataj administraj organoj, jughaj kaj prokuroraj institucioj estas deciditaj de la popola kongreso, respondecas por la popolo kaj estas kontrolataj de ghi. La funkcioj kaj rajtoj de la centraj kaj lokaj shtataj organoj estas deciditaj lau jena maniero: Gvidate de la centra shtata organo la lokaj shtataj institucioj plene disvolvas sian iniciativon kaj aktivecon. La China Popola Respubliko estas unuigita multnacia lando. La lokoj, koncentre loghataj de la naciminoritatoj, praktikas lokan autonomecon kaj chiuj naciaj autonomaj regionoj estas nedisigeblaj de la China Popola Respubliko.

Revenu