En la 10-a de marto okazis en Pekino laborkunsido pri la medio de homaj richfontoj. China prezidanto Jiang Zemin prezidis la kunsidon kaj faris paroladon. Li emfazis, ke por efektivigi la dauran disvolvighon de la ekonomio kaj socio de Chinio, por ke la posteuloj de la china nacio chiam havu bonajn kondichojn por ekzisto kaj disvolvigho, oni nepre devas ghuste trakti la rilatojn inter la ekonomia disvolvigho kaj la medio de homaj richfontoj, akceli la akordon kaj harmonion de la homoj kaj la naturo, pene krei civilizacian disvolvighan vojon por progresa produktado, bona vivo kaj bona ekologia medio.

    Chefministro Zhu Rongji emfazis en sia parolado la chefajn laborojn rilate medion de homaj richfontoj: nome, daurigi la stabilan malaltan kreskadon de la loghantaro por efektivigi la difinitan celon de superrego de la nombro de la loghantaro; akcenti la administradon kaj racian utiligon de la teraj richfontoj de la shtato kaj pluapashe sciencigi, normaligi kaj legalizi la administradon, ekspluaton kaj utiligadon de la shtataj teraj richfontoj; plifortigi mediprotektadon kaj ekologian konstruadon kaj doni grandan atenton al traktado de poluado en gravaj basenoj, regionoj, maroj kaj grandaj kaj mezgrandaj urboj; plifortigi akvoadministran konstruadon kaj administradon de akvorichfontoj.

    Chefaj gvidantoj de la provincoj, autonomaj regionoj kaj municipoj cheestis la kunsidon.

Revenu