Antautagmeze de la 5-a de marto, la 4-a Sesio de la 9-a China Popola Kongreso inaugurighis en la Popola Halo, Pekino.

    Unu el la chefaj programeroj de la sesio estas ekzameni kaj aprobi la 10-an kvinjaran planon de la nacia ekonomio kaj socia progreso, ellabori praktikan orientighon por la ekonomia kaj socia disvolvigho de Chinio en la venontaj 5 jaroj.

    La inauguron prezidis Li Peng, prezidanto de la Konstanta Komitato de la China Popola Kongreso. Chefministro Zhu Rongji faris la raporton. En la raporto Zhu Rongji prezentis la chefajn celojn por la ekonomia kaj socia disvolvigho en la venontaj 5 jaroj: teni kompare rapidan disvolvighon de la nacia ekonomio, akiri evidentan efikon en strategia reguligo de la ekonomia strukturo, evidente altigi la kvaliton kaj efikon de la ekonomia kresko, fundamenti solidan bazon al duobligo de la totala produktovaloro de 2000 en la jaro 2010; multe progresigi la shtatajn entreprenojn en starigo de moderna entreprena sistemo, kompletigi la socian garantian sistemon kaj la sistemon de la socialisma merkata ekonomio, pluapashe praktiki sinmalferman politikon kaj intensigi internacian kunlaboron, havigi pli multajn eblecojn de enoficigo, daure altigi la enspezon de urbanoj kaj kamparanoj, plibonigi la materian kaj kulturan vivon de la popolo, plifortigi ekologian konstruadon kaj mediprotektadon, rapidigi disvolvighon de sciencoj, teknologio kaj edukado, pluapashe altigi la kvaliton de la popolanoj, ilian civilizacion kaj konscion pri demokratio kaj leghoj.

    En la raporto Zhu Rongji multe eksplikis la orientighon kaj taskojn de la 10-a kvinjara plano. Li diris, ke lau la en- kaj eksterlandaj situacioj de la nova jarcento, la venontaj 5-10 jaroj estos ekstreme gravaj por la ekonomia kaj socia disvolvigho de Chinio.

    La 10-a kvinjara plano estas por Chinio la unua kvinjara plano en la nova jarcento, unua kvinjara plano por la tria strategia dispozicio de efektivigo de moderniga konstruado, kaj ankau la unua kvinjara plano post la unuapasha starigho de la sistemo de la socialisma merkata ekonomio. 2870 kongresanoj varme aplaudis por la raporto de Zhu Rongji.

Revenu