Posttagmeze de la 7-a de marto, cheestante la diskutadon de Xinjiang-aj reprezentantoj de la popola kongreso, Wang Shucheng, ministro de akvomastrumado, estis bombardita de hongkong-aj jhurnalistoj. Videblas, ke iliaj demandoj estis bone pripensitaj kaj la hongkong-a gazetaro donis grandan atenton al la granda projekto konduki akvon el sudo norden kaj al akvomastrumado en la ekonomia disvolvo en okcidenta Chinio.

    Char Xinjiang ne estas loko, kiu koncernas la projekton konduki akvon el sudo norden, tial ministro Wang parolis nur pri akvomastrumado en la ekonomia disvolvo en okcidenta Chinio.

    "Por la ekonomia disvolvo en okcidenta Chinio antau chio oni devas atenti la akvomastrumadon," la ministro diris. "Chinio havas longan historion de terkulturo, kaj teknika nivelo de ghia akvomastrumado estas alta en la mondo. Tio, kion la Ministerio de Akvomastrumado devas fari en la periodo de la Deka Kvinjara Plano, estas sinteze kaj lauplane uzi la akvofontojn en la okcidenta parto de Chinio por garantii la bezonon de agrikulturo kaj urboj kaj samtempe protekton de la tiea ekologia medio."

    Demandite, kiamaniere oni solvos la financan problemon en tiu afero, la ministro respondis, ke char Chinio estas lando disvolvighanta, ghi bezonas multe da mono por sia baza akvomastruma konstruado. Sed, escepte de la sistemo pri akvoliverado en urboj, la konstruado de bazaj instalajhoj, farata de la shtataj akvomastrumaj establoj ghenerale apartenas al publik-utila afero. Se oni faras tion komplete lau postulo de merkata ekonomio, repago venos ne tre baldau, tial la bezonataj sumoj en akvomastrumado en la ekonomia disvolvo en okcidenta Chinio dependos chefe de la registaro. Se chinaj kaj alilandaj entreprenistoj volus investi, tio devus esti en la kadro de malgrandaj projektoj kaj plie antau la investo oni devas fari interkonsenton kun detalaj artikoloj.

    Koncerne la ekvilibron inter la akvomastruma disvolvo kaj media protekto, la ministro refoje substrekis la gravecon de la totala projektado. Chiufoje antau komenco de nova projekto fakuloj devas fari rigoran argumentadon por garantii la akvo-bezonon de la produktado kaj popola vivo kaj bonan protekton de akvofontoj en okcidenta Chinio.

    Al la demando, kiel oni defendos samtempe la interesojn de la shtato, investantoj kaj popolamasoj en akvoliverado, la ministro respondis, ke la registaro regos la akvoliveradon, sinteze utiligante la administran, ekonomian kaj leghajn rimedojn kaj la prezo de akvo devas esti decidita de la registaro por ke la registaro povu repreni la elspezon kaj samtempe la popolanoj povu elteni kaj precipe en la periodo de trosekeco la registaro malpermesas chian kurzaltighon.

    Ministro Wang Shucheng estis tre ghoja pro prizorgo de hongkongaj jhurnalistoj al la akvomastruma afero de la patrio kaj diris, ke li estus ghoja, se li havus tempon por pli detala diskuto kun ili. Li deziris, ke pere de la hongkong-a gazetaro pli da homoj informighu pri la projekto de la Ministerio de Akvomastrumado por la venontaj 5 jaroj kaj subtenu la konstruadon precipe en okcidenta Chinio.

Revenu