La
6-an de marto, sinjoro Xiang Huaicheng, ministro de financo, faris
raporton pri plenumo de la budgheto al la reprezentantoj en la popola
kongreso kaj matene de la sekvanta tago li venis en la kunvenejon
de la Guizhou-a Delegacio por auskulti ghian diskuton, char en la
tuta Chinio la financa malfacilo de Guizhou estas tre granda.
Per sia
cheesto li multe ghojigis la membrojn de la Guizhou-a Delegacio.
La guizhou-anoj parolis pri sia impreso pri la gravaj raportoj en
la kongreso. Tushante la financan staton de Guizhou, ili farighis
ekscititaj. Kvankam eksterdome la malvarmo ankorau ne cedis al printempa
varmeto, tamen en la kunvenejo regis varma etoso.
Resumante
la diskuton de la guizhou-aj reprezentantoj, oni povas koni la ekonomian
staton en la nuna tempo kiel jene:
Unue,
Guizhou estas malricha. En la periodo de la Naua Kvinjara Plano
la plej grava sukceso de la provinco estis sukcesa solvo de la grena
malfacilo kaj la jara financa kresko estis 17%, pli alta ol la averagha
procentajho de la tuta lando, tamen la ekonomia stato de la provinco
restis ne ghojiga. En Guizhou nun ankorau estas 48 malrichaj gubernioj
lau la shtata kriterio kaj la pokapa jara enspezo okupas la lastan
lokon de la lando.
Due, Guizhou
urghe bezonas subtenon de la shtato politike kaj finance. En la
periodo de la Deka Kvinjara Plano Guizhou alfrontos grandan malfacilon
en financo kaj por richigo de la kamparanoj, kaj por reformado de
la shtataj entreprenoj, nuligo de la postighinteco de sciencoj kaj
tekniko kaj por pagi pension kaj aliajn sociajn garantiojn. Tial
la reprezentantoj forte deziras, ke la financa departemento de la
centra registaro donu pli da atento al Guizhou.
La ministro
diris tamen malmulte. Li emfazis, ke en la periodo de la popola
kongreso kaj la popola politika interkonsiligha konferenco la registaraj
oficistoj nur auskultas la diskuton anstatau esprimi sian opinion.
La ministro
de financo, kvankam konas la financan staton de chiuj lokoj ne detale,
tamen atenteme esploris la staton de Guizhou. Li bone konas indicojn
de la financa disvolvigho de la provinco, mankon de ghiaj chefaj
industrioj, malbonajn kondichojn de ghiaj geografia situo kaj mankon
de lokaj superecoj.
La ministro
diris, ke kvankam la provinco jam solvis la problemon pri manghajhoj
kaj vestajhoj, tamen ne atingis la bonhavighon, kaj nun la provinco
trovighas en la periodo por meti bazon al la rapida ekonomia disvolvigho,
tial la financa departemento de la centra registaro devas doni pli
da zorgo al la provinco. Li diris, ke en la pasintaj jaroj la ministerio
de financo ja tion faris. En la periodo de la Naua Kvinjara Plano
la centra registaro subvenciis la provincon per granda sumo, kiu
kreskis chiujare je unu miliardo da juanoj kaj en 2000 la financa
subvencio atingis 6.7 miliardojn da juanoj.
La ministro
diris, ke ghuste kiel oni informighis, la financaj kondichoj en
2001 ja ne estas ghojigaj kaj estos granda malfacilo elspezi por
solvi la malfacilojn de provincoj, char en 2001 oni devas levi la
salajron de la loghantoj. Li diris, ke la financa subteno kredeble
neniam kontentigos la popolon. Li atentigis, ke en la pasinta jaro
la financa enspezo de la shtato estis 193 miliardoj da juanoj, kio
rikoltighis iasence de batalo kontrau kontrabando, kurzaltigho de
nafto en la monda merkato, vigligho de akcioj, restaura disvolvigho
de entreprenoj kaj aliaj faktoroj, tial estos tre malfacile plu
kreskigi la financan enspezon.
La ministro
sincere diris, ke li jam notis chiujn rimarkigojn de la kunvenantoj.
Li deziris ankau, ke gvidantoj de la provinco preparu sufiche da
materialoj por pli detala diskuto kun li por la ekonomia disvolvigho
de Guizhou.
Revenu
|