S-ino Shen Jilan aghas 72 jarojn. Shi partoprenis 1-9-ajn Tutlandajn Popolajn Kongresojn kiel reprezentanto, kiu akiris titolojn de supera labormodelo, shtata labormodelo kaj avangarda virino. Shi diris: "Mi estas kamparano kaj sentas grandan respondecon diskuti pri gravaj aferoj en la Popola Halo. Kiel reprezentanto de la popolo, mi devas reprezenti ghiajn interesojn. Mi chiam respektas faktojn kaj diras korvershe.

     Menciante sian spertajhon atesti la sistemon de la China Popola Kongreso, shi diris ke shi unuafoje eliris el sia hejmvilagho de Shanxi-provinco en 1954 por partopreni la unuan popolan kongreson en Pekino kaj diskuti pri la Unua Kvinjara Plano. Nun shi kaj aliaj kongresanoj kune diskutas pri la Deka Kvinjara Plano. En la pasintaj 46 jaroj shi spertis grandan shanghighon de Chinio. Antaue la kongresanoj, kiuj havis altan klerecon, estis malmultaj, sed nun la kongresanoj kun relative bona edukiteco levis sian jughkapablon pri la politiko. Shi diris, ke por bone reprezenti la popolojn, shi devas senchese studi.

     Xigou-vilagho, kie Shen Jilan vivas, estis malricha. Gvidate de shi la vilaghanoj en pasintaj jaroj verdigis kalvajn montojn kaj starigis ladmanghajhan kaj metalurgian fabrikojn por altigi sian enspezon. Shi opinias, ke nur kunvivante kun la vilaghanoj, shi povas koni ilian deziron kaj postulon. En la kongreso shi proponis konstrui akvokonservejon por altigi la produktokvanton kaj enspezon de la kamparanoj.

Revenu