La 3-an de marto, 2001, inaugurighis la 4-a Sesio de la Naua China Popola Politika Interkonsiligha Konferenco en Pekino. 2097 membroj de la konferenco cheestis la inauguron kaj auskultis la laborraporton faritan de Ye Xuanping, vicprezidanto de la tutlanda komitato de la konferenco, en la nomo de ghia konstanta komitato.

    S-ro Ye diris, ke en la pasinta jaro la tutlanda komitato de la konferenco atente faris politikan interkonsilighon, demokratian kontrolon kaj diskuton de la politikaj aferoj. Ghi plenumis jenajn aferojn:

    I. Koncerne la Dekan Kvinjaran Planon, post fermo de la 3-a Sesio en la pasinta jaro la tutlanda komitato sendis 14 inspektajn grupojn al dekkelkaj provincoj, autonomaj regionoj kaj municipoj kaj faris dekkelkajn raportojn, prezentante multajn proponojn pri la akva richfonto de Chinio, ebleco de ghia ekonomia disvolvigho, inghenierioj konduki akvon el suda parto al seka nordo kaj elektron de okcidente orienten, kaj demando chu mineralaj richfontoj de Chinio sufichas al la bezono de nia nacia ekonomio kaj socia disvolvigho en la 21-a jc. Tiuj proponoj servis kiel gravaj referencoj por la centra registaro en ellaboro de la Deka Kvinjara Plano.

    II. Ghi kontribuis al grandskala disvolvo de la okcidento de Chinio. Post kiam la china registaro faris gravan decidon pri grandskala disvolvo de la okcidento de Chinio, membroj de la konferenco faris 128 valorajn proponojn, rilatajn al konstruo de la gravaj vojoj inter la nordokcidento kaj sudokcidento, ekonomia kunlaboro de la orienta kaj okcidenta partoj, reguligo de la agrikultura strukturo, akvaj richfontoj, protekto de la ekologia medio, helpo al la malrichaj familioj k.a. La tutlanda komitato resumis la proponojn de diversflankaj personoj kaj prezentis "Proponon pri la strategio de la ekonomia disvolvo en la okcidento de Chinio" al la centra registaro.

    III. Por la socia unuigho kaj stabileco la tutlanda komitato de la konferenco prezentis en la pasinta jaro 1700 proponojn kaj informojn de siaj membroj kaj ordinaraj popolanoj al la china registaro. La konferenco ricevis sume 20000 leterojn de la popolo kaj helpis koncernajn departementojn de la registaro en solvo de cent aktualaj problemoj, rilataj al la interesoj de la ordinaraj popolanoj. Estis akceptitaj de la shtataj institucioj la proponoj pri financa reguligo, profundigo de la sistemo de grena vendado, malpermeso de toksoj, forigo de la kashitaj dangheroj en la defluejoj de inundakvo el Jingjiang-rivero (meza parto de Yangzi en Hubei-provinco).

    IV. Ghi vaste kontaktighis kun la personoj hongkongaj, makaaj kaj taiwan-aj kaj elmigrintaj chinoj. La membroj de la konferenco okazigis diversajn kunsidojn, faris raportojn kaj vizitojn por propagandi la politikon "unu lando, du sistemoj". 7 societoj el Hongkong, Makao, Taiwan kaj la cheftero de Chinio kune okazigis simpozion ambauflanke de la markolo kontrau sendependigho de Taiwan.

    V. Plifortigo de amikaj kontaktoj. Ghis februaro de 2001 la tutlanda komitato de la konferenco faris amikaj kontaktoj kun 132 institucioj de 81 landoj kaj 4 internaciaj kaj regionaj organizoj. Chinio sukcese okazigis "Forumon de la 21-a jc." kun la temo "Ekonomia tutglobigho kaj Chinio" kaj pliigis la kontakton de la China Popola Politika Interkonsiligha Konferenco kun internaciaj societoj kaj famaj personoj.

    Fine s-ro Ye Xuanping alvokis, ke chiuj membroj de la konferenco serioze plenumu siajn funkciojn en la politika interkonsiligho, demokratia kontrolado kaj politika diskutado en la unua jaro de la 21-a jc. kaj ankau la unua jaro de la Deka Kvinjara Plano por akceli la reformadon kaj modernigan konstruadon de Chinio.

Revenu