Shuai Jingao, reprezentanto de la China Popola Kongreso el Fujian-provinco, estis tre ghoja, kiam li renkontis Liu Fusheng, studenton de Qinghua-universitato, finance helpatan de li.

    Shuai estas homo malavara. Li finance subtenis 112 lernantojn, kiujn li rigardis kiel siajn proprajn infanojn. El ili 63 studentighis kaj Liu estas unu el ili. Liu vivis malfacile kaj kotizo por lia lernado farighis peza shargho de lia familio.

    "Liu estas sagha kaj diligenta. Mi volontas finance subteni lin," diris Shuai.

    Fininte sian lernadon en mezlernejo, Shuai revenis hejmen kaj tie ekokupis sin je terkulturado. Li laboris kiel tajloro kaj masonisto. Poste li rimarkis, ke eksterlandanoj shatas lotussemojn de lia hejmloko, li do sin ekokupis je produktado kaj prilaboro de lotussemoj. Nun lia kompanio de lotussemaj produktajhoj farighis chefa entrepreno de la loko, kiu profitigis 10 mil kamparanajn familiojn de la gubernio. La lotussemoj kun marko Wenxin eksportighas chiujare je mil tunoj al diversaj lokoj de sudorienta Azio.

    "Mi estas filo de kamparano. Nun mia entrepreno havas certan skalon. Mi atribuas mian sukceson al prizorgo de la loghantoj kaj subteno de la registaro. Mi havas devon rekompenci la socion kaj miajn samlokanojn. Tial chiujare mi elspezas centojn da miloj da juanoj por monhelpi 33 mezlernejanojn kaj studentojn," diris Shuai.

Revenu