Akceli la ekonomian disvolvighon en okcidenta Chinio estas grava strategia decido por moderna konstruado de Chinio. En la chi-foja sesio de la China Popola Politika Interkonsiligha Konferenco la cheestantoj faris multajn proponojn, el kiuj la media protektado estas alte taksata. Cai Yansong estas fakulo tiuflanka. En la kunveno li montris sian vidpunkton pri mediprotekto en la ekonomia disvolvigho de okcidenta Chinio.

    "Unue polui kaj poste senpoluigi. Unue detrui kaj poste restauri" Tio estis kutima agmaniero en Chinio, sed faktoj pruvis, ke por tio oni suferis multe, tial por la ekonomia disvolvigho en okcidenta Chinio oni neniel devas sekvi la antauan vojon. La grundaj regreso kaj erozio, tera dezertigho, halto de river-fluo, malgrandigho de lagoj, mallevigho de la subtera akvo, malgrandigho de flauro kaj mallevigho de ghiaj kvalito kaj kapabloj kaj gravigho de la media poluado en industriaj kvartaloj en okcidenta Chinio, chio chi tio estas malfacile riparebla post detruigho. Jen pro kio oni ne devas akiri ekonomian kreskon je la kosto de detruo de la ekologia medio kaj oni devas penadi por gajno kaj en ekonomio kaj en mediprotekto.

    Li emfazis, ke okcidenta Chinio estas loko, kie originas Yangzi, la Flava Rivero kaj Perlo-Rivero, tial ghia media sekureco rekte rilatas kun tiu de la tuta lando. La serioza grunda erozio povas kauzi fortan sedimentadon en la malsupra parto de la riveroj kaj en la lagoj, redukti ilian kapablon reguligi superakvon, akrigi la damaghon de inundo kaj malutili al industria kaj kampara produkto kaj popola vivo. Tial por la ekonomia disvolvigho en okcidenta Chinio oni devas plibonigi la tiean ekologian medion, sed ne regresigi ghin. Preteratenti la kutiman manieron en la ekonomia disvolvigho kaj garantii la medion estas bezono por la moderniga konstruado de Chinio kaj ankau grava rimedo por ekonomia tutmondigho. Konstrui amikan median ekonomian sistemon estas tre grave por verda ekonomio de la tuta mondo, kio havas pozitivan influon sur plibonigo de la investa medio, plilarghigo de la pordmalfermo kaj levo de la kapablo en la merkata konkurenco.

    La ekonomia disvolvigho en okcidenta Chinio estas longatempa kaj peniga strategia tasko kaj ankau la media disvolvigho estas longatempa kaj peniga. S-ro Cai proponis, ke la mediprotekto en okcidenta Chinio devas esti farita surbaze de realeco kaj nun oni devas doni grandan atenton al la jeno:

    En la komenca periodo de la industriigo kaj urbanizo en okcidenta Chinio, kiam la loghantoj enspezas ankorau malmulte, oni devas reguligi la interrilatojn inter disvolvigho de socia ekonomio kaj mediprotektado, disvolvi grandskalan kaj plenampleksan mediprotektadon kaj surbaze de la makroskopa administrado starigi ekonomian sistemon de malgranda poluo kaj malgranda ekologia konsumado kaj redukti la damaghon de la ekonomia disvolvigho al la ekologia medio. En la ekonomia disvolvigho en orienta Chinio iam la kampara mediprotekto, prevento kaj redukto de poluo en la chiutaga vivo postighis al la prevento kaj redukto de la industria poluo, la ekologia konstruado postighis al la ekonomia disvolvigho kaj la ekologia protekto postighis al la ekologia konstruado, sed nun por la ekonomia disvolvigho en okcidenta Chinio oni devas prizorgi samtempe la preventon kaj redukton de la industria poluo kaj urban mediprotektadon, kamparan mediprotektadon kaj sintezan bonordigon de urboj, ekologian konstruadon kaj ekologian protekton kaj elstarigi la principon kun prevento kaj protekto sur la unua loko. Fine oni devas apliki la progresajn administran sperton kaj teknikon de orienta Chinio en la mediprotektado de okcidenta Chinio.

Revenu