Wen Jiating el Anhui-provinco estis unika kamparano el la membroj de la Tutlanda Komitato de la China Popola Politika Interkonsiligha Konferenco (ChPPIK). Antau 10 jaroj li transprenis la estrecon de la vilagho. Gvidate de li, la vilagho funkciigis plurajn entreprenojn kaj la kolektiva aktivo kreskis de 0.54 miliono da juanoj al 40 milionoj da juanoj, sekve de tio la popola vivo de la tuta vilagho rimarkinde bonighis. Wen Jiating estis elektita membro de ChPPIK. Li alte taksis la honoron, donitan de la kamparanoj kaj ofte faris enketon pri la problemoj de vilaghoj, kamparanoj kaj agrikulturo. En la chi-foja sesio li vershis sian koron en la nomo de ordinaraj kamparanoj.

    Li diris, ke la kamparanoj varme subtenas la shtatan politikon pri agrikulturo. La politiko stabiligi la laukontraktan respondecan produktan sistemon kaj plilongigi la kontrakton pri respondeca terkulturo je pliaj 30 jaroj utilas al la kamparanoj en ellaboro de produktoplano por longa tempo. La politiko acheti grenon de la kamparanoj je prezo favora al ili solvis ilian malfacilon en vendo de greno. La reformado de la imposto kaj aliaj pagigoj en vilaghoj malpezigis ilian sharghon.

    Tamen nun ankorau ne solvighis la problemo, ke la kamparana enspezo kreskis malrapide. En iuj lokoj de Chinio la diferenco inter urboj kaj kamparo pligrandighas. En 2001, en Anhui-provinco la pokapa enspezo de urbanoj estis 5669 juanoj, dum tiu de kamparanoj nur 2020 juanoj. Kaj krome la kresko de la kamparana enspezo estas malpli rapida ol tiu de la urbana. Wen faris du proponojn pri reguligo de la agrikultura strukturo, char ili estas tre utilaj al kresko de la enspezo de la kamparanoj.

    Unu el liaj proponoj estis nuligo au redukto de imposto super lokaj agrikulturaj produktajhoj por akceli reguligon de la agrikultura strukturo, pliigi la kamparanan enspezon kaj antauenpushi reformadon de la vilaghaj impostoj kaj aliaj pagigoj. Ni prenu Anhui-provincon kiel ekzemplon. Tie la imposto de la lokaj produktajhoj konsistigas 20% de la agrikulturaj impostoj en la tuto kaj tia imposto estas plenumata chefe en montaj regionoj, kie la ekonomio estas subevoluinta. Tie la kamparanoj vivis malfacile kaj tia imposto malutilas al reguligo de la agrikultura strukturo kaj pliigo de la enspezo de la kamparanoj. Li proponis, ke la registaro faru la imposton de lokaj produktajhoj sama kiel la agrikultura.

    La alia propono de Wen estas pliigo de la informa servado al kamparanoj. Li diris, ke estas malfacile vendi agrikulturajn kaj flankokupajn produktajhojn, kio katenas kreskon de la enspezo de la kamparanoj. En la pasinta jaro en lia hejmloko oni havis richan rikolton de akvomelono, sed la produktokvanto estis multe pli granda ol la bezono, ke chiu kilogramo da akvomelono kostis nur 0.16 juanon. Pro manko de merkataj informoj, la kamparanoj ofte suferas malprofiton. Li deziris, ke la registaro asignu pli da monsumoj al informa servo cele redukti la blindecon de reguligo de la agrikultura strukturo. Li faris enketon pri uzado de interreto en sia propra vilagho. Li opinias, ke vasta uzado de interreto estas tre utila al akiro de informoj pri produkto kaj merkato.

Revenu