La china registaro elspezas chiujare por la higienaj aferoj 58.72 miliardojn da juanoj, el kiuj 9.25 miliardoj estas por la kamparanoj. La chefaj problemoj en la higienaj aferoj de la china kamparo kushas en tio, ke tie la kuracaj ekipajhoj estas malbonaj kaj medicinistoj nesufichaj.

    Por solvi tiujn problemojn s-ro Wang Zhiqiong, membro de la Tutlanda Komitato de la China Popola Politika Interkonsiligha Konferenco, proponis jenajn kontraurimedojn:

    A. Pliigi investon al la higienaj aferoj de la kamparo. Oni povas eltiri certan proporcion el la impostoj, elspezi ghin al la higienaj aferoj kaj enlistigi la primaran higienan sanprotektadon en la financan budgheton de la registaro.

    B. Reformi la sistemon de administrado de la kuracaj aferoj en la kamparo. Kuraghigi diversflankan investadon kaj disvolvon. La distriktaj kaj subdistriktaj kuracejoj estu investataj de la registaro kaj kolektivaj unuoj, kaj entreprenataj kooperative au private. Kaj permesi al la socio kaj individuoj funkciigi profitodonajn kuracejojn.

    C. Starigi socian kuracan sistemon en la kamparo, kies investo dependas chefe de la registara financo kaj due de kolektivo kaj loghantoj, kun la celo kuraci gravajn malsanojn. En malrichaj lokoj la registaro devas elspezi certan monsumon por fonduso de gravaj malsanoj kaj tiamaniere iom post iom starigi diversmanieran kamparanan sanprotektan sistemon.

Revenu