En la 7-a de marto, La 4-a Sesio de la 9-a Popola Politika Interkonsiligha Konferenco de Chinio okazigis gazetaran konferencon, kaj 5 membroj de la interkonsiligha konferenco reespondis la demandojn de la jhurnalistoj pri akvo.

    "Dank' al 50-jara rezonado kaj esplorado pri pli ol 60 akvokondukaj linioj, formighis la projekto de akvokonduko per tri linioj, nome orienta, meza kaj okcidenta. La projekto interligos Yangzi-riveron, Huaihe-riveron, la Flavan Riveron kaj Haihe-riveron, por konduki akvon de la sudo en la nordon," s-ro Zhang Chunyuan, vicprezidanto de la Komisiono de Homo, Richfonto kaj Medio de la konferenco, konigis la projekton.

    Chiuj kvin membroj de la interkonsiligha konferenco, kiuj cheestis la gazetaran konferencon, estas kompetentaj veteranoj rilate akvoadministradon. Wang Guangqian, profesoro de la Fakultato de Hidroelektra Inghenierio de Qinghua-universitato, opiniis, ke oni nepre devas emfazi akvoshparon efektivigante la projekton "konduki akvon de sude norden". Antau chio oni devas konsciigi al la tuta popolo la gravecon de akvoshparo, raciigi la prezon de akvo, chiuflanke disvastigi akvoshparan teknologion, disvolvi akvoshparajn entreprenojn kaj fondi akvoshparan socion. Samtempe kun akvoshparo oni devas chiamaniere altigi la uzeblecon de akvo.

    Zhang Chunyuan diris, ke post la finigho de la konstruado, 38-48 miliardoj da kubmetroj da akvo fluos en la nordon. Tio multe moderigos akvomankon en la nordo kaj havos gravan signifon por restarigi kaj plibonigi ekologian medion kaj disvolvi la okcidenton de Chinio.

    Raportisto demandis: " 'Fluigi akvon de la sudo en la nordon' estis la revo de la gvidantoj de la unua generacio de la popola respubliko kaj ankau de laborantoj de akvoadministrado, sed kial oni urghis realigi ghin nun?" S-ro Chen Bangzhu diris: "Tiu ekstreme granda projekto koncernas plurajn riverojn kaj bezonas grandan investon, kaj por tio certe necesas longtempaj kaj seriozaj enketado, esplorado kaj rezonado. En la lastaj jaroj pli kaj pli seriozighis sekeco en la nordo, kaj pli kaj pli multaj homoj apelaciis por solvi la akvokrizon de la nordo. Esplorado kaj rezonado de dekoj da jaroj kaj antauprepara konstruado, precipe kompare altighinta ekonomia povo danke la dauran disvolvighon de la ekonomio en la pasintaj 20 jaroj post la praktikado de la malferma politiko kaj reformado, ebligis al ni komenci kaj rapidigi la konstruadon.

    S-ro Xu, kiu partoprenis en la projektado de akvokonduko de sude norden dum multe da jaroj, diris, ke reguligo de akva richfonto estas grandega fundamenta konstruado kaj rilatas al la komplikaj interrilatoj de la interesoj inter la centra registaro kaj la lokaj registaroj kaj tiujn inter la lokaj registaroj. Sole la altigo de akvobarajhoj de la akvorezervejoj kaj konstruado de la trunka kanalo koncernas transloghighon de 220 miloj da homoj. Tio rilatas al investa sistemo, financa politiko, mediprotekto, leghofaro kaj aliaj gravaj sociaj problemoj. Unuvorte, sen suficha ekonomia povo kaj penema antauprepara konstruado, la projekto "fluigi akvon de sude norden" estos malfacile efektivigebla.

Revenu