En 1953 Chinio komencis la Unuan Kvinjaran Planon de sia nacia ekonomio kaj en 2000 glate plenumis la 9-an. En 2001 la 10-a Kvinjara Plano estis komencita. Dank' al la kontinua efektivigo de la kvinjaraj planoj, levighis la ghenerala ekonomia forto kaj la nivelo de la popola vivo de Chinio.

    La Unua Kvinjara Plano estis direktiva plano ellaborita sur la fono de planizita ekonomio. La plano difinis multajn konkretajn celojn de ekonomia kresko, ekzemple, lau la senshangha tarifo de 1952, la totala produktovaloro de industriigo kresku je 98.3% kaj la totala valoro de podetala vendo de varoj de la socio kresku je 80%, kaj tiuj celoj estu nepre atingitaj.

    La nuna Deka Kvinjara Plano estas konsultigha plano ellaborita post la establigho de la sistemo de la socialisma merkata ekonomio. Ghi nur skizis gheneralan disvolvan celon, sed ne difinis konkretajn celojn de ekonomia kresko. Ghi montras al la ekonomia disvolvigho chefe strategian direkton kaj strategian skizon, kaj efektivigho de la celo de disvolvigho dependos chefe de la direkto de politikoj de la registaro kaj de la movo kaj reguligo de la baskulo de la interesoj.

    Lau la akcentitaj punktoj, oni povas rimarki, ke la Unua Kvinjara Plano zorgis pli pri la skalo kaj kvanto de la ekonomia disvolvigho, dum la Deka Kvinjara Plano akcentas la kvaliton kaj profiton. Tiu shanghigho estis frukto de historia leciono.

    Rimarkinde estas, ke en la Deka Kvinjara Plano oni legas multajn novajn terminojn, ekzemple interreto, elektronika komerco k.s. Tiuj novaj vortoj enkorpigis la richan enhavon de la modernaj sciencoj kaj teknologio kaj la rolon rilate reformadon de la mondo kaj shanghon de la pensmaniero kaj konduto de la homoj.

Revenu