Autune de 2002 Changpu-rivero oriente de Tian'anmen-pordego, en la centro de Pekino, estis denove fosita. La klara akvo zigzagas orienten. La nove konstruita parko che ghi farighis loko por promenado kaj ripozo de pekinaj loghantoj.

    La renaskighon de la antikva Changpu-rivero oni shuldas al veterana pekina hidrologo Duan Tianshun, reprezentanto de la Pekina Popola Kongreso.

    S-ro Duan estis elektita reprezentanto de la 9-a, 10-a kaj 11-a Pekinaj Popolaj Kongresoj. De infaneco li havas apartan amon al la riveroj kaj lagoj de Pekino. Dum kelkdekjara laborado en hidrologia departemento de la urbo li kompilis "Notoj pri Akvomastrumado de Pekino" kaj partoprenis konstruon de riveroj kaj lagoj de la urbo. Post la 80-aj jaroj de la 20-a jarcento la poluado kaj shtopigho de riveroj kaj lagoj de Pekino forte dolorigis lian koron. Emeritighinte, li daure prizorgas la bonordigon de la pekinaj riveroj kaj lagoj.

    La akvofonto, kiel animo de la urbo, estas atentata pli kaj pli multe de la publiko. La pekina registaro komencis akvoutiligan konstruadon lau la gvidpenso "fari sintezan bonordigon kun akvo kiel la centro".

     Decembre de 1998 la Pekina Popola Kongreso diskutis pri bonordigo de la riveroj kaj lagoj de la urbo por krei belan medion. Duan Tianshun prezentis al ghi sian proponon protekti la historian kulturan tradicion kaj la kompletan aranghon por manifesti la nacian moron, lokajn trajtojn kaj epokan spiriton. Li proponis restarigi la funkcion de Changpu-rivero kaj Junula Lago en suda urbo. Lia parolado vekis fortan ehhon en la kongreso. Post la kongreso li vizitis multe da loghantoj por enketado. En 2000 en la urba kongreso li faris 4 proponojn, inkl. de denova fosado de Changpu-rivero.

    Changpu-rivero, 500 m. longa, estis parto de la Ora Rivero ekster la Imperiestra Palaco en Ming-dinastio (1368-1644). Tiam che ghi estis palaca konstruajharo. La refosado de la rivero kaj bonordigo de aliaj riveroj kaj lagoj havas striktan rilaton al protekto kaj reaperigo de la historia fizionomio de Pekino.

    La propono de Duan estis alte taksata de la pekina registaro. En la 70-aj jaroj de la pasinta jarcento Changpu-rivero farighis kashita kaj post tio oni faris provizorajn konstruajhojn super ghi. Por restauri la originan fizionomion de Pekino, la urba registaro decidis denove aperigi Changpu-riveron, la chirkaufosajhon kaj Junulan Lagon kaj malkonstrui la provizorajn konstruajhojn super ghi.

    Nun dank' al akvoreguligo, shlim-forigo, plantado de herboj kaj arboj sur la bordoj, la menciitaj lokoj farighis pli kaj pli belaj. Antau tiuj grandaj shanghighoj s-ro Duan sentis grandan ghojon.

Revenu