Konstrui la Olimpian Vilaghon lau la plej avangarda mediprotekta teknologio estas unu el la projektoj de la Pekina Adjudika Komisiono por Olimpikoj.

    Lau plano, la Olimpika Vilagho sin hejtos per tervarmo kaj aliaj senpoluciaj energioj, sed ne tradicia brulajho; por iluminado oni ne bezonos plu fosi kablokanalojn kaj teksi araneon da elektraj dratoj, kaj sunenergia ilumina sistemo povos facile solvi la problemon; kaj krome la chiutaga rubo kaj mediciaj forjhetajhoj turnighos en organikan sterkon post traktado.

    Lau la frapfrazo "verdaj Olimpikoj" de la Pekina Adjudika Komisiono, oni devas ne nur starigi novan sistemon de komuna mediprotektado de la registaro, entreprenoj kaj civitanoj por bonigi la kvaliton de la medio de Pekino kaj akceli dauran disvolvighon de la urbo, sed ankau laueble eviti malbonan influon de Olimpikoj sur la medion.

    Ekzemple akvo. Dum la Olimpikoj dek miloj da sportistoj bezonos 1.4 mil tunojn da varma akvo por bano en kulmina horo, kaj tion la sunenergia akvosistemo tute povos plenumi. Post sendamaghigado la uzita akvo povos esti uzata en akvumado de la gazonoj en la Olimpika Parko kun areo de 760 hektaroj, kaj la kvanto de la akvo ekvivalentas 300 milimetrojn da atmosfera precipitajho, kaj tiuj gazonoj povos asimili malutilan gason ellasitan de la autoj en la parkejo.

    Krome, oni multe konsideris pri la utiligo de la konstruajhoj de la Olimpika Vilagho post la Olimpikoj. Se Pekino sukcesos akiri la permeson gastigi la Olimpiajn Ludojn, oni adjudikos pri acheto de mediprotektaj materialoj kaj arkitektura projekto en- kaj eksterlande, cele akiri plej avangardan mediprotektan teknologion, por ke post la ludoj la Olimpika Vilagho farighos modela logh-kvartalode Chinio de daura disvolvigho.

Revenu