Se Pekino sukcesos ricevi la permeson gastigi la Olimpiajn Ludojn de 2008, oni bezonos 37 konkursejojn kaj 58 trejnejojn por 28 sportaj branchoj. 32 el tiuj sportejoj lokighos en Pekino. 13 el la nunaj sportejoj de Pekino estos taugaj por la konkursoj, kaj la Pekina Adjudika Komisiono por Olimpikoj (PAKO) planos konstrui ankorau 19 sportejojn. La rekonstruado, projektado kaj situigo de konstruejoj plene manifestos la ideon de la pekinanoj "verdaj, scienc-teknologiaj kaj humanismaj Olimpikoj".

    La Olimpikaj sportejoj karakterizighas per relativa koncentrigho kaj racia sporadeco, kio oportunos al la organizado de la konkursoj. Ili konsistigos unu centran regionon kaj tri branchajn. La centra situos en la Olimpika Parko de Pekino, kun areo de 1210 hektaroj. Inter ili 760 hektarojn okupos forstoj kaj 450 hektarojn kovros Internacia Sporta Eksponejo. Lau plano en la parko oni konstruos 14 sportejojn. La 3 branchaj regionoj situos en la universitata regiono en Haidian-distrikto de Pekino, en la okcidenta logh-kvartalo ekster la dua cirkla autovojo de Pekino kaj en la norda pitoreskejo.

    PAKO konsideris pri la utiligo de la sportejoj post la konkurso. La centra regiono servos por distrado, gimnastikado, vizitado kaj amuzado de la urbanoj, kaj la Olimpika Vilagho farighos altkvalita logh-kvartalo.

Revenu