Gastigado de Olimpikoj de 2008 estas historia shanco de Pekino, tio certe rapidigos modernigon de la urbo.

    En la venontaj 5 jaroj Pekino investos 180 miliardojn da juanoj por 142 konstruaj projektoj, el kiuj 90 miliardoj da juanoj estos uzataj por konstrui ekspresan trafikan reton, ampleksantan subterajn fervojojn, traurbajn fervojojn, ekspresajn shoseojn kaj flughavenojn, 45 miliardoj por medi-protektado, 30 miliardoj por konstruado de informadiko, elektronizo de komerco, registaraj aferoj kaj edukado en Interreto kaj la aliaj 15 miliardoj por konstruado de fundamentaj instalajhoj por vivo.

    Krome la 29 Olimpikaj instalajhoj bonigos la vivkondichojn de pekinanoj. En la venontaj 5 jaroj Pekino rekonstruos malnovajn domojn kun areo de 9 milionoj da kvadrataj metroj. La pokapa loghaero atingos 18 kvadratajn metrojn. La urbo konservos sian antikvan karakteron. Nun ghi investas 330 milionojn da juanoj kaj uzas 1.4 miliardojn da juanoj investitajn de la socio por ripari la historiajn restajhojn.

    Gastigi la Olimpikojn de 2008 por Pekino ne nur estas akcelilo de ekonomio kaj socia disvolvo, sed ankau profunde influas la ideologion de pekinanoj. La disvolvo de la historia urbo Pekino multe progresos pro la gastigado de la Olimpikoj.

Revenu