Pekino estas konata kiel unu el la antikvaj urboj de Chinio. Antau 500 mil jaroj jam vivis Pekin-homoj en Zhoukoudian, chirkau 50 kilometrojn sudokcidente de Pekino.

    En la komenca periodo de la china sklava socio aperis la primitiva tribo de Pekino. Tiun tempon en Chinio regis Shang-dinastio, kiu kreis skriban lingvon. En la dekunua jarcento a.K. Zhou-dinastio anstatauis Shang-dinastion kaj fondis shtaton kun evoluinta sklava sistemo. En tiu tempo rapide disvolvighis la primitiva tribo de Pekino kaj ghia loko poste farighis la fama urbo Jicheng, kiu estis la plej frua nomo de Pekino.

    En la periodo de Militantaj Regnoj (475-221 a.K.) estis sep regnoj: Qi, Chu, Yan, Han, Zhao, Wei kaj Qin. Inter ili okazis intensa porhegemonia batalado dum pli ol 200 jaroj. La regno Qin aneksis la aliajn ses regnojn kaj unuigis la tutan Chinion. Ying Zheng, regho de Qin-dinastio, fondis feudan shtaton kun centralizita povo. Ekde la Okcidenta Han-dinastio (206-25 p.K. ) Jicheng estis grava loko por ekonomia kaj kultura intershangho inter la hanoj kaj aliaj nacioj en nordorienta Chinio. En Sui-dinastio (581-618) Jicheng farighis loko kun la administracio de la prefektujo Zhuo. En Tang-dinastio (618-907) la administracio de la prefektujo Youzhou prenis lokon en Jicheng.

    En la komenco de la deka jarcento la politika pozicio de Pekino farighis pli kaj pli grava en la tuta lando. Liao-dinastio (907-1125) prenis ghin kiel sian vicchefurbon kaj nomis ghin Yanjing. La poste levighinta Jin-dinastio (1115-1234 ) prenis ghin kiel sian chefurbon kaj alinomis ghin Zhongdu. La regnantoj de Liao kaj Jin konstruigis sian provizoran palacon en la loko de la hodiaua parko Beihai. En la mezo de la dektria jarcento Yuan-dinastio (1206-1368) starigis chefurbon sur la bazo de la provizora palaco de Jin-dinastio lau sia nova konstrua projekto kaj donis al ghi la nomon Dadu. En 1368 Zhu Yuanzhang, gvidanto de kamparana insurekcia armeo, renversis Yuan-dinastion kaj fondis Ming-dinastion. Li gvidis norden siajn insurgentojn kaj kaptis Dadu, kiun li alinomis Beiping. En 1402 la Ming-dinastia imperiestro Chengzu translokis la chefurbon de Nankino al Beiping kaj shanghis ghian nomon en Pekinon. En la mezo de la deksesa jarcento oni konstruis eksteran muregon chirkau Pekino. Ankau Qing-dinastio (1644-1911) prenis ghin kiel sian chefurbon kaj konstruigis tie multajn ghardenojn.

    Post la venko de la china popola revolucio en 1949 Pekino farighis la chefurbo de la nova respubliko. De tiam Pekino travivis multajn shanghojn. 

Revenu