En la lasta fojo oni deziris, ke dank' al okazigo de la Olimpikoj plibonighos la loghkondichoj kaj trafiko, sed chi-foje oni donas la atenton chefe al la urba medio k.a. Pro tio la pekina registaro lanchis la agadon por verdaj Olimpikoj.

    Augusto de 2000 la Plenuma Komisiono de la Internacia Olimpika Komitato aprobis Pekinon kaj aliajn 4 urbojn kiel kandidatojn por invito de la Olimpikoj en 2008. Tiuj 5 urboj havas chiu siajn proprajn trajtojn. Krom la antikva kulturo de Pekino, la fervoro de la 1.3 miliardoj da chinoj certe estas multe atentata de la internacia publiko. Kvankam ghia mediprotektado gajnis ne tiom multajn poentojn, tamen ghi reformas sin lau bona plano, kiun laudas ankau la Plenuma Komisiono.

    La plano koncernas stadionojn, sportajn halojn, sportajn aparatojn, plibonigon de la medio kaj aliajn. Pekino, urbo ne malserioze poluita, devas fari grandan penadon por atingi radikalan plibonigon de sia medio. Kiel do iras ghia penado por inviti la Olimpikojn kaj kiujn rimarkigojn havas la pekinanoj en tiu laboro?

    Jen ekzemplo: Antau nelonge usona jhurnalisto el Atlanto vizitis Pekinon kaj foje li veturis per taksio, kondukata de s-ro Meng. La jhurnalisto demandis lin, kian opinion li havas pri penado de Pekino por inviti la Olimpikojn. S-ro Meng respondis: "Se ni sukcesos, la trafiko, enoficigo kaj turismo de nia urbo ege plibonighos. Chiuj pekinanoj deziras sukceson. Mi loghas en la suda parto de la urbo. Eble la loghkvartalo, kie trovighas mia hejmo, estos malkonstruita kaj tiam ni havos novan loghdomon." La jhurnalisto de Atlanto, kie okazis antau 4 jaroj la Olimpikoj, estis kortushita de la simpla, sed konfidencema respondo kaj publikigis artikolon en sia jhurnalo multe laudantan la firman volon de ordinaraj chinoj por inviti la Olimpikojn.

    La vortoj de s-ro Meng montras, kiel ordinaraj chinoj traktas Olimpikojn. Ili opinias, ke Olimpikoj portos al ili shancon por plibonigi la vivmedion. Tian sintenon havas ankau popolaj medi-protektaj organizoj kaj registaroj. En tio kushas ankau la diferenco de iliaj chi-foja kaj lastfoja petoj pri invito de la Olimpikoj. En la lasta fojo oni deziris, ke dank' al okazigo de la Olimpikoj plibonighos la loghkondichoj kaj trafiko, sed chi-foje oni donas la atenton chefe al la urba medio k.a. Tio ja estas progreso. Kompreneble tio havas ankau rilaton kun atento de la Internacia Olimpika Komitato, kiu prenas medion kiel unu el la faktoroj utilaj al okazigo de Olimpikoj, same kiel sportoj kaj kulturo.

    La 24-an de augusto 2000 publikighis la plano "Verdaj Olimpikoj" por radikale plibonigi la medion de Pekino, kiu strikte rilatas kun invito de la Olimpikoj. Lau tiu plano ekde 2007 Pekino uzos ekskluzive purajn energiojn kaj en 2004 praktikos la normon pri vostgaso de la legheraj autoj, egalan al la europa normo n-ro 2, efektivigos sintezan traktadon pri klasifika repreno de rubo, neniigos industrian poluon, translokos 200 fabrikojn el la urbaj kvartaloj kaj verdigos 40% de la urbo. El la plano vidighas, ke Pekino bezonas urghan mediprotektadon. La plano esprimas tiel la firman volon de la loghantoj de Pekino pri plibonigo de la medio kiel la deziron inviti la Olimpikojn. Ghuste pro tio la chi-foja peto pri invito de la Olimpikoj estas multe subtenata kaj komprenata de la publiko.

    S-ro Liao Xiaoyi, respondeculo de la Medi-kultura Centro de Tergloba Vilagho, popola mediprotekta organizo, diris, ke la chi-foja verdiga aktivado por la Olimpikoj starigis ekzemplon de mediprotektado per komuna agado de la registaro kaj popolo. Por realigi la planon, ke Pekino havos la bluan chielon kaj klaran akvon, oni lanchis konferencon por realigi la verdajn Olimpikojn, partoprenatan de registaraj departementoj, entreprenoj, mediprotektaj establoj, popolaj organizoj kaj civitanoj de Pekino.

    Estas klare, ke la peto pri invito de la Olimpikoj al Pekino jam farighis movforto por akceli la laboron de diversaj departementoj de la pekina registaro. S-ro Wang Guangtao, vicprezidanto de la Pekina Komitato por Invito de la Olimpikoj kaj vicurbestro de Pekino, diris, ke la chi-foja agado por verdaj Olimpikoj estas tre utila por radikale plibonigi la medion de Pekino. Oni prezentis la sloganon "Olimpikoj verdaj, scienc-teknikaj kaj humanistikaj". La pashoj por verdaj Olimpikoj estas malfacile atingeblaj, tamen bone faritaj kun iaj fruktoj.

    En Chaoyang-distrikto, Pekino, jam finkonstruighis modela strato unu km longa kun Olimpikoj kiel temo. Aprile de 2000 oni borderis tiun straton per gazonoj de 7000 kvadrataj metroj, kio estas malofte vidata en Pekino.

    Temas pri reguligo de la akvo-sistemo. Ni scias, ke Pekino disvolvighis per riveroj, tamen dum longa tempo al ghi mankis akvo, char la akvofluoj estis baritaj de shlimo kaj en 1998 oni komencis dragi la chefajn riverojn. Julie de 1999 ekis shipnavigacio inter la lagoj Kunming kaj Yuyuantan kaj chi-jare sur la suda chirkauurba kanalo komencighis navigado. Oni konstruis 6 senkovrajn naghejojn che la dragitaj lagoj.

    Post nelonge finkonstruighos la 4-a rondshoseo 65.48 km longa, kiu ne nur estos ekspresa shoseo, sed pli grave ambau ghiaj flankoj ricevos 700 hektarojn da verdigita spaco. La 13 autovojaj trefkrucighoj, iliaj proksimaj gazonoj kaj 18 grandaj publikaj lokoj kun verdajhoj multe kontribuos por la peto pri invito de la Olimpikoj.

    Ghis nun Pekino jam priplantis 2536 hektarojn da tero per arboj kaj herboj. Lau la plano oni devas priplanti 100 kvadratajn kilometrojn per arboj kaj herboj en la dauro de 10 jaroj, sed nun la urba registaro decidis plenumi la planon en 2003. Krom tio oni konstruis verdan sportan bazon kaj verdan sportan parkon en Chaoyang-distrikto por la 500 mil loghantoj.

    De la peto pri invito de la Olimpikoj la pekinaj loghantoj eksciis, ke la verdigado en ilia urbo eniris en novan etapon kaj ili havos pli bonan vivmedion.

Revenu