Ke Pekino invitas Olimpikojn de 2008, tio ekscitas ne nur pekinanojn, sed ankau chiujn aliajn chinojn. Sennombraj chinoj klopodas por la invito de Olimpikoj. Jen:

Verka konkurso de geknaboj
    Ekde marto de 2001, por subteni pekinan inviton de Olimpikoj, chinaj element- kaj mezlernejanoj partoprenis la chinan verkan konkurson de geknaboj kun "Bonvenigo de Olimpikoj" kiel temo.

China handikapulo Deng Jinwei
bicikle travojaghas Azion
    Por propagandi pekinan inviton de Olimpikoj, Deng Jinwei kun maldekstra krura protezo bicikle travojaghas Azion. Nun li jam travojaghis 11 provincojn, Hongkong kaj Makao en Chinio, entute 14 mil kilometrojn.
    Deng Jinwei, 43-jara, amas sporton denaske. En la 19-jara agho li falis dum montgrimpado kaj perdis sian maldekstran kruron.

Miliono da Hunan-anoj subtenas pekinan inviton
de Olimpikoj per subskribado de rubando
    Por subteni Pekinon en ghia invito de Olimpikoj, cent entreprenistoj kaj miliono da junuloj en Hunan-provinco subskribis rubandon. La subskriba ceremonio okazis en la tria tagdeko de marto en la Olimpika Vilagho en Tongshenghu de Changsha, chefurbo de Hunan-provinco, kaj la subskribado dauris poste en 14 urboj de la provinco. La rubando estis montrata 4 tagojn en Changsha, kaj post subskribado de loghantoj kaj turistoj oni donis la rubandon al la Pekina Komisiono por Invito de Olimpikoj de 2008.

Dekmilo da pekinaj virinoj subtenas sian
urbon en ghia invito de Olimpikoj
per longdistanca kuro
    La 4-an de marto 2001 dekmilo da virinoj de Pekino partoprenis longdistancan kuron aranghitan de la China Virina Federacio, China Ghenerala Sporta Administracio kaj Pekina Virina Federacio. Per tiu aktivado la virinoj esprimis sian sincerecon subteni pekinan inviton de Olimpikoj kaj celebris la Internacian Tagon de Laborantaj Virinoj.

Ankau Taiwan-anoj esperas sukceson de pekina invito de Olimpikoj
    Kiam la Inspekta Teamo de la Internacia Olimpika Komitato venis en Pekinon, ne nur la loghantoj de la cheftero, sed ankau tiuj de Taiwan tre atentis pekinan inviton de Olimpikoj.
    Taiwan-ano Wu Jingguo, membro de la Internacia Olimpika Komitato, diris, ke Pekino estas la plej esperplena el la 5 kandidataj urboj. El la 5 landoj nur Chinio kaj Turkio neniam gastigis Olimpikojn. Kaj la Internacia Olimpika Komitato havas neoficialan regulon: sur sama kontinento ne okazu du sinsekvaj Olimpikoj. En 2004, la 28-aj Olimpikoj okazos en Grekio en Europo, kredeble malsukcesos Parizo kaj Istanbulo en invito de la 29-aj Olimpikoj. Kanado kaj Japanio iam gastigis Olimpikojn, kaj pro tio ilia invito de Olimpikoj de 2008 estas iom malfacila. En Chinio neniam okazis Olimpikoj, kio estas ghia avantagho. Kaj en la 27-aj Olimpikoj Chinio gajnis la trian lokon lau la or-medala nombro, Francio la kvinan, kaj Kanado la 24-an. Pro tio eble sukcesos Pekino en sia invito de Olimpikoj.
    S-ro Wu diris, ke kiel plenuma komitatano de la Internacia Olimpika Komitato li balotos certe por Pekino. Li esperas, ke Taibei farighos stacio de pasigo de sankta fajro de Olimpikoj, se Pekino gastigos la Olimpikojn de 2008, char la sankta fajro estas kuriero de paco kaj alportas ghojon al chiuj.

Flugigi termobalonojn por subteni Pekinon en ghia invito de Olimpikoj
    Por subteni Pekinon en ghia invito de Olimpikoj, Fujian-provinco okazigos en junio aktivadon flugigi termobalonojn. Kiel sekura kaj interesa sporto, termobalono-flugigo altiras al si pli kaj pli multe da amantoj.
    Lauplane oni flugigos sur Wuyi-placo de Fuzhou, chefurbo de la provinco, 10-20 termobalonojn, kiuj trapasos Hangzhou, Shanhajon, Nankinon, Jinan kaj Tianjin kaj fine atingos Mutianyu de Pekino, kie etendighas parto de la Granda Muro. Kiam la termobalonoj estos surper la supre menciitaj urboj, ili faros prezentadon en malalta aero kaj oni okazigos subskriban aktivadon por subteni Pekinon en ghia invito de Olimpikoj.

    Revenu