La 16-an de januaro la Delegacio de la Pekina Komisiono por Inviti Olimpikojn de 2008 flugis al Lausaunne por prezenti al la Internacia Olimpika Komitato la 596-paghan dokumenton "Raporto de Pekino por Inviti Olimpikojn de 2008".

    La raporto konsistas el tri grandaj volumoj kun 18 partoj, inkluzive de ghenerala fizionomio de la lando kaj urbo, leghoj, enlandigho, mediprotektado, financo, merkata disvolvo, konkursoj, sportejoj, handikapulaj konkursoj, olimpia vilagho, medicina servo, sekureco, loghado, trafiko, teknologio, gazetara servo kaj kultruro.

    Kaj la 18-a parto entenas aprobajn leterojn de la shtata prezidanto Jiang Zemin kaj chefministro Zhu Rongji, leterojn de Liu Qi, urbestro de Pekino kaj prezidanto de la Pekina Komisiono por Inviti Olimpikojn de 2008, kaj Yuan Weimin, estro de la Shtata Sporta Buroo, garantiojn de respondeculoj de Ministerio de Eksteraj Aferoj, Ministerio de Financo kaj Ghenerala Doganejo kaj tiujn de direktoroj de 70 hoteloj kaj restoracioj kaj aprobajn aktojn de 28 olimpikaj federacioj.
La Raporto de Pekino prezentas tri temojn, "verdaj olimpikoj, humadikaj olimpikoj kaj scienc-teknikaj olimpikoj".

    Novaj disciplinoj por adjudiko de olimpikoj ne permesas al la konkurantaj urboj inviti al si la membrojn de la Internacia Olimpika Komitato nek al ili viziti la membrojn. Tial la raporto rolas kiel unu el la gravaj fenestroj por informighi pri la konkurantaj urboj. Pekino jam dufoje prezentis petojn por gastigi olimpikojn kaj dedichis grandan energion al ellaborado de altkvalita raporto.

    Subteno de la registaro estas unu el la avantaghoj de Pekino por inviti la olimpikojn. Dank' al la reformado kaj pordmalfermo, Pekino havas la kompetentecon gastigi la olimpikojn en 2008. En 1999 la totala produktovaloro de Chinio atingis mil miliardojn da usonaj dolaroj, kaj tiu de Pekino -- 24 miliardojn da usonaj dolaroj. S-ro Liu Qi diris: "Pekino estas memfida kaj kompetenta gastigi la olimpikojn de 2008."

Revenu